Lok me Poyo Wic pi Nino me Nipo

I mwaka-ni, kwero nino me Nipo bibedo i Ceng Baraja April 2. Luelda omyero gunen ni gilubo tam magi.

◼ Ka gitye ka moko cawa me cokke man, omyero gunen ni pe kicako wot ki mugati ki vino i kin dano ma peya ceng opoto.

◼ Omyero kiniang dano ducu kacel ki lalok, pi cawa ki kabedo ma kwer man bitimme iye.

◼ Mugati ki vino ma rwatte ma kibitic kwede omyero kinong dok kiyub obed atera.—Nen Watchtower me Febuari 15, 2003 pot 14-15.

◼ Cwan, gilac, meja kacel ki latam maber me wiye omyero kiketgi woko con i kabedogi i ot ma yub bibedo iye.

◼ Ot me Ker nyo kabedo mukene ma cokke man bibedo iye omyero kilwok obed maleng ma peya cawa oromo.

◼ Lujol wele kacel ki jo ma gibiwot ki mugati ki vino i kin dano omyero kiyergi kun kinyut botgi gin ma gibitimone con, omyero gunge ni bimitte ni rukgi obed ma opore.

◼ Omyero kiyub yub me tero mugati ki vino bot Lakricitayo ma kiwiro ma tye ki goro ma pe twero bino i cokke man.

◼ Ka kacokke makato acel bitic ki Ot me Ker acel, ci winye omyero obed tye i kin kacokke magi wek kabedo mogo calo doggola ki ka mukene calo kagwoko mutoka-gi pe opong ki dano woko.