Yub ma Kite Dok Pat me Rweyo Dano i Oktoba 16–Novemba 12!
1 “Agikki pa Dini Goba Dong Tye Cok!” Man aye obedo wi lok madit me Kingdom News Nam. 37, ma kibipoko i wi lobo-ni ducu cakke i dwe manyen. Nia i acakki me Oktoba me o i dyere, wabitero magajin me Watchtower ki Awake! Cakke i Ceng Baraja me Oktoba 16, o kwede i Ceng Cabit me Novemba 12, wabitic matek me poko Kingdom News Nam. 37. Wabiterone kacel ki magajin i Ceng Abicel ki Ceng Cabit ducu, i kare me rwec man.
2 Jo ma Giromo Tic: Jo ducu ma gitye ka tic macalo lutit kwena omyero gubed ki miti me nywako i tic man. Jo mukene guromo tic calo painia pi tutunu. Nyo itye ki lutino nyo lutino kwanni me Baibul ma dong gitye ka dongo i yo me cwiny? Konygi me lok bot luelda wek kinen ka gitwero doko lutit kwena ma nongo peya gunongo batija. Luelda omyero gukwany kare me cuko cwiny lutit kwena ma dong gutyeko kwe woko wek gin bene guti tic man, gitwero wot kacel ki lutit kwena ma gitye ki ngec muromo.
3 Dong kitye ka cwalo Kingdom News Nam. 37 i kacokke ducu wek lutit kwena ki painia ducu gunong gin 50 olo. Jo ma gitye ki miti ento pe gubedo lutit kwena bene gibinongo gin abic abic me apoka bot wadi ki luremgi. Jo ducu omyero gugwok wel trak ma gupoko, ka i tum pa Oktoba ki Novemba guco i nge fomgi me miyo ripot. Karan biribo wel trak ducu ma kacokke opoko ka cwalo wele i jang gang kal i tum dwe acel acel. Kingdom News mudonge kibitic kwede dong ata i ticwa me pwony.
4 Gin me Aloka: Wek lokki obed macek, wek omini kare me poko ngec man bot jo mapol. Itwero wacci: “An atye kanywako i tic mo ma tye ka timme i wi lobo ducu me poko ngec ma pire tek eni, man tye macalo tic me konyo lwak dok kitimo labongo cul mo. Ene, man aye ma megi. Tim ber ikwan.” I wang tic mukene, twero bedo ber me wot labongo tingo kicaani me pwony ka icito i tic man. Nen ni igwoko rekod pa jo ducu ma nongo gunyuto miti.
5 Kit me Tyeko Wang Ticwu Ducu: Me kaka bedo ka poko Kingdom News man i gudo, ket cwinyi i tic matek me longo i wang ticwu ka ma wuwoto iye i doggola ki doggola kacel ki i kabedo me biacara ducu. Co odi ma pe inongo iye dano piny, dok temme me dok cen kunnu i cawa nyo nino mukene me cabit. Cakke i Ceng Baraja, me Novemba 6, dong kitwero weko trak man i paco ma nongo kinongo dano gipe gang. Ento, ka kacokke tye ki wang tic malac ma pe kiromo tic iye ducu i kare ma kicimo-ni, ci luelda giromo mokone ni omyero kiwek Kingdom News i odi ma nongo kinongo dano gipe gang i kare me tic man ducu.
6 Jwero te “Babilon Madit” dong tye cok mada. Dano omyero gua woko ki i iye ma peya kinginye woko kwicikwici. (Yabo. 14:8; 18:8) Go pulan kombeddi wek ibed ki kare muromo me nywako i tic man ma bikwako wi lobo ducu me miyo ngec bot dano ducu ni, agikki pa dini goba dong tye cok!