Tika Itwero Donyo ‘i Doggola Malac me Tic’?

1. ‘Doggola malac me tic’ ango ma kiyabo?

¹ I kare ma kiyabo ‘doggola malac me tic’ bot lakwena Paulo, en obedo ki miti me tic ki kare meno me tito kwena me Ker-ri kadi bed onongo jo ma degge gipol. (1 Kor. 16:9) I kare-ni lutit kwena maromo 642,000 kulu i wi lobo ducu gutyeko donyo i doggola malac me tic ki doko painia marii.

2. Pingo ber me ngiyo kwowa kare ki kare?

² Kwo Lokke: Kadi bed ni kit me kwowa i kare-ni pe romo miniwa kare me tic matek, ento kwo lokke. Pi meno, ber me ngiyo kwowa kare ki kare kun pe wakuro ni kong obed maber adada. (Latit. 11:4) In mono ibedo bulu ma cok tyeko kwanne? Nyo itye lanyodo ma lutinone cok cako kwan? Kece nyo kare me weko dog ticci dong cok romo? Alokaloka ma kit magi romo mini kare me donyo i tic calo painia marii. Lamego mo ma onongo obedo ki peko me yot kom omoko tamme me tic macalo painia ki mwaka 89. Pingo? Kit ma en pe ocito i ot yat pi mwaka acel kulu-ni, en otamo ni yot kome twero mine kare me tic calo painia.

3. Jo mukene guloko kwogi nining wek giti macalo painia marii?

³ I kare mo, miti pa Paulo mukwongo onongo tye me limo omego me Korint keken. Ento en oloko yubbe pi lok me kwena maber-ri. Jo mapol ma gitye painia marii i kare-ni bene guloko kwogi i yo mapol wek gidok painia. Mogo guloko kwogi i yo ma nongo pe mito tic ki lim mapol ma miyo tic ma pe tero cawa malac nongo romo. Gunongo yomcwiny pi motgi me timo tic man. (1 Tem. 6:6-8) Jo mukene ma gunyomme bene guloko kwogi i yo ma miyo laco keken aye tiyo, wek oyab yo bot dako me tic macalo painia.

4. Ngo ma watwero timone ka wakalo akala ni gwok nyo pe waromo cobo cawa ma mitte?

⁴ Pe inguk kwerone ni pe itwero bedo painia pi lworo ni gwok nyo pe ibiromo cobo cawa ma mitte. Cawa aryo ki dakika mo manok keken aye mitte nino ki nino. Ka itye ki akalakala, ci tem kong bedo painia pi tutunu pi dwe acel nyo aryo kun iketo yubbi me tic pi cawa 70. Man bimiyo ibilo yomcwiny me bedo painia. (Jab. 34:8) Lok ki jo ma tye ka tic macalo painia i kare-ni. Mogo i kingi nongo gukato ki i ariya ma rom ki megi. (Car. 15:22) Peny Jehovah wek ogo laane i kom tuteni me medo ticci me pwony.—1 Jon 5:14.

5. Pingo tic macalo painia marii obedo tic ma kelo adwogi maber?

⁵ Tic ma Kelo Adwogi Maber: Tic macalo painia marii kelo mot mapol. Weko inongo yomcwiny madit atika ma bino pi medo micci. (Tic 20:35) Tic calo painia medo dironi i tic ki Lok pa Lubanga i yo matir. (2 Tem. 2:15) Ibibedo ki kare me neno cwak pa Jehovah i kwoni. (Tic 11:21; Pil. 4:11-13) Bedo painia bikonyi me dongo kit mogo mabeco me cwiny, calo diyo cwinygi-ni ma meno bikonyi me nyiko cok bot Jehovah. (Yak. 4:8) Tika iromo donyo i doggola malac me tic-ci ki doko painia marii?