Yub Manyen me Gure me Adwol

Jehovah opore me nongo deyo. Wan wamiyo deyo bot Jehovah nining? Kit peko ango ma jo mogo gitye ka rwatte kwede i lok man? Kit mot ango ma bino bot jo ma miyo deyo bot Lubanga i kare-ni? Yub me gure me adwol i mwaka 2008 me ticwa, bimiyo lagam ma yengowa pi lapeny magi. Wi lokke madit tye ni ‘Wutim Jami Ducu pi Miyo Deyo bot Lubanga.’ (1 Kor. 10:31) Wanenu kong jami ma kiyubo piwa ma bibedo i nino aryo me pwony me cwiny ma tye ka bino-ni.

Laneno me distrik bilok i kom pwony ma wacci “Pingo Myero Wami Deyo bot Lubanga?” ki “Bed Lanen Maber i Timo Gin ma Lubanga Mito.” En bimiyo pwony ma kiyubo pi lwak ma wi lokke tye ni, “Angagi Aye ma Gitye ka Miyo Deyo bot Lubanga?,” ki dong pwony me agikki ma wiye tye ni, “Note Kacel i Miyo Deyo bot Lubanga i Twok Lobo Ducu.” En bene bidoro Cukul me Tiokraci. Laneno me adwol binyamo wi lok ma wacci “Bed ki Yomcwiny i Nyutu Deyo pa Lubanga,” “Neno Kop ma Mako Adwol” ki “Wumok ‘Matek Liking i Lok me Ada,’” ma jenge i 2 Petero 1:12. Medo i kom meno, wabipwonyo bene kit ma “Tic me Pwony Calo Painia Kelo Deyo i Kom Lubanga.” Pwony ma kipoko iye ma tugo cwiny me acel ma wi lokke tye ni, “Miyo Deyo bot Lubanga i kit Yo Ducu me Kwowa,” binyamo lok matut i kom 1 Jo Korint 10:31. Pwony ma kipoko iye me aryo ma wi lokke tye ni “Tiyo Ticwa me Cwiny pi Pako Jehovah” bilok i kom jami mapat pat ma dok i kom worowa. Kibimiyo pwony me Watchtower wiye wiye kacel ki nyamo ginacoya me nino ducu pi Ceng Cabit. Kare bene bibedo tye pi batija.

Dano mapol pe giye winyo Lubanga. Yub pa dano oywayo tam pa jo mapol ma miyo pe giromo keto tamgi i kom deyo pa Jehovah. (Jon 5:44) Ento wan wangeyo ber pa tic ki cawawa me neno kit me ‘Timo Jami Ducu pi Miyo Deyo bot Lubanga.’ Yubbe me bedo tye dok me nongo adwogi maber ki i yub me nino aryo-ni ducu.