Gure me Adwol ma Bikonyowa me Gwoko Kwowa me Cwiny

1. Mic acel mene ma Jehovah omiyo me konyowa wek wacob ticwa me tito kwena maber-ri?

¹ Jehovah miyo ngec, pwonye, ki dong cuko cwiny ma mitte botwa me cobo tic ma en ominiwa me tito kwena maber-ri. (Mat. 24:14; 2 Tem. 4:17) Gurewa me adwol ma bedo mwaka ki mwaka-ni obedo yo acel ma wanongo iye jami magi. Wi lok me gure me adwol pi mwaka 2010 me ticwa tye ni “Gwok Kwoni me Cwiny,” man jenge i Jo Roma 8:5 ki Juda 17-19. Yub man bicakke i cabit me Agucito 31, 2009.

2. (a) I yo ma nining ma gure me adwol-li bikonyowa? (b) Yub me gure me adwol ma okato angec okonyi nining i ticci me pwony?

² Adwogi ma Wanongo: Yub man bimiyo waniang jami maraco, calo jami ma balo cawawa ki ma dwoyo tamwa woko ki i jami ma pigi tego. Wabipwonyo kit me lweny ki cwiny me timo gin mo keken ma wamito, dok bene wabinyamo ngo ma bedo ngat ma maro jami me cwiny kwako. Pwony ma kipoko iye ma bibedo i ceng cabit binyutu kit ma dano acel acel kacel ki jo me odi giromo jingo kwede kwogi me cwiny ka gitye i lyeto magwar ki jami ma temo niyegi. Yub man bikonyowa me gwoko cwinywa, gwoko kwowa me cwiny, ki me bedo ma wiwa pe wil i kom mot ma tye anyim ma tye ka kuro jo ma gigwokke i yo me cwiny.

3. Yub me gurewu me adwol bibedo awene, dok ngo ma myero itim?

³ Teke iniang nino dwe kacel ki kabedo ma gurewu me adwol bibedo iye, cak yubbe me bedo iye kun iketo cwinyi i pwony me nino aryo ducu. Nge ni Jehovah goyo laa i kom ngat ma keto cwinye i ticce.—Car. 21:5.

4. Ngo ma watye ki gen me nongone i gurewa me adwol ma tye ka bino-ni, ?

⁴ Ada, Jehovah aye obedo Lami mic man maber atika-ni. Yub man ma lagwok ot ma lagen aye oyubo-ni bibedo gin ma wamito wek wamedde ki ticwa me pwony macalo Lukricitayo. Wapwoyo Jehovah pi mic ducu ma en ominiwa ma konyowa me ‘moko matek liking i gen ma watuco labongo tagge atata.’—Ibru 10:23-25; Yak. 1:17.