Tic me Pwony ma Pud Dong Obedo Dit Loyo i Wi Lobo!

Pi mwaki makato 100 kulu, Lucaden pa Jehovah gubedo ka nywako lok me kwena maber-ri ma guyubbe mada. (1 Kor. 9:23) I tic me pwony man ma dong odoko dit loyo i wi lobo-ni, watito pi kwena man i leb mapat pat makato miya acel kulu. Watye ka tito pire i lobe makato 230 kulu. (Mat. 24:14) Ento pingo tic man mitte mada? Dok i yo ango ma kitye ka cobone kwede i wi lobo kulu?

Vidio me Jehovah’s Witnesses—Organized to Share the Good News gamo lapeny magi kun nyutu ticwa mapat pat ma nongo tye ka timme i wi lobo kulu. Dong ka itye ka neno vidio man, tam lok i kom lapeny magi: (1) Ticwa-ni kiyubo dok kitelo wiye nining? (2) Dipatmen me Coc, Gonyo Leb, Goyo Cal, ki dong me mako Dwan/Vidio gikonyo i tic me kubo kwena maber-ri nining? (3) Kabedowa mapol me goyo ki poko bukke i kin piny-nyi tye pi tyen lok ango? (Jon 17:3) (4) Bukke mapat pat ma romo adi ma kigoyo i mwaka acel? (5) Bukkewa ma jenge i Baibul dong ocobo gin ango? (Ibru 4:12) (6) Kitye ka timo ngo pi miyo pwony me Baibul bot jo ma wanggi oto nyo itgi oding? (7) Ticwa-ni kiculo pire nining? (8) Wanongo kony nining ki i tic pa Hospital Information Services, Dipatmen ma neno wi Ticwa, ki ma neno lok me Gure Madit? (9) Macalo Lacaden pa Jehovah, vidio man omedo ngec ki pwocci nining pi (a) tute pa dul pa Jehovah i tito kwena maber-ri? (b) Betel ma welle kato 100 kulu i but lobo ducu? (c) pwonnye ma kimiyo bot luneno ki lumiconari? (d) ber pa cako nino acel acel ki kwano tyeng mo me Baibul kacel ki yubbe pi cokke ducu me cabit acel acel? (e) ber pa bedo tye i gure pa Lukricitayo? (f) kit ma Paradic bibedo kwede i lobo? (Ic. 11:9) (g) nywako i tic me kac-ci?—Jon 4:35.

I kare ma itye ka nyutu vidio man bot wadini, luwoti, jo ma idok cen ka limogi, ki lutino kwanni me Baibul, lok maber ango ma gin guloko? Pingo pe inyut vidio man kacel ki tito lok me kwena maber-ri ki ngat mukene dok cokcok-ki?—Mat. 28:19, 20.