Lucaden pa Jehovah—Ticgi me Niye, Bute me 2: Wek Dero Omeny Piny
Ma dong kigonyo Omego Rutherford ki lureme mukene i mwaka 1919 ki i buc, tic madit me atiya onongo pud tye pi Lucaden pa Jehovah, ma onongo kilwongogi ni Lutino Kwan me Baibul. Kit macalo kinyuto kwede i vidio me Jehovah’s Witnesses—Faith in Action, Part 2: Let the Light Shine, Lutino Kwan me Baibul man gurwatte ki jemo magwar ma a ki bot jo ma pe gimito winyo lok me kwena maber, ento ngecgi me Ginacoya omedde ki dongo ki niyegi bene ojing matek. (Car. 4:18; Mal. 3:1-3; Jon 15:20) I nge neno vidio man itwero gamo lapeny magi?
(1) Yo ango ma Lutino Kwan me Baibul gubedo ka tic kwede me yaro lok man me kwena maber-ri? (2) Ngo ma otimme ma ogudo cwiny dano i gure madit i mwaka 1931 ki 1935? (3) Gin ango ma pire tek mutimme ma kitito pire i Watchtower me Novemba 1, 1939? (4) Tit kong gin mutimme i kabedo me Madison Square Garden, i kare me pwony pa Omego Rutherford ma wi lokke tye ni “Gamente kacel ki Kuc.” (5) Gin ango ma pire tek ma obedo i pwony pa Omego Knorr ma wi lokke tye ni “Kuc—Tika Birii pi Naka?” (6) I mwaka 1942, yub ango ma Lucaden pa Jehovah guketo pi medo ticgi me pwony? (7) Tit kong kit ma Lucaden pa Jehovah gupido kwede i kot me United States, Canada, ki Grik. (8) Cukul me Gilead odongo pwony me tito kwena maber-ri nining? (9) Tic ma pire tek ango ma ocakke i mwaka 1946, dok pingo? (10) Gin ango ma Lucaden pa Jehovah gutimo wek kit me kwogi olubbe ki cik me Baibul? (11) Tit alokaloka ma otimme i mwaka 1970 ma oweko dul man tiyo kun lubo cik me Baibul. (12) Neno vidio man ojingo niyeni ki pwoci ni Jehovah aye tye ka dorowa dok man aye dulle nining? (13) Vidio man ojingo cwinyi nining me medde ki tito kwena ki mit kom kadi bed ariya tye? (14) Watwero tic ki vidio man pi konyo wadiwa, lutino kwan me Baibul ki jo mukene nining?
Nino acel acel makato nyuto tekwaro pa Lucaden pa Jehovah nicakke wa yam con. Rekod ango ma tutewa me pwony binyutone? Kit macalo omegiwa gutito kwena ki mit kom i kare mukato angec, wan ducu ki acel acel myero ‘wawek dero omeny piny’!—2 Kor. 4:6, NW.