Baibul—Buk ma Opong ki Ada ki Lok pa Lunebi

Mankind’s Oldest Modern Book (Buk ma Orii Loyo i Kare-ni) obedo vidio me acel i kin adek ma tye i DVD ma wi lokke tye ni The Bible—A Book of Fact and Prophecy (Baibul—Buk ma Opong ki Ada ki Lok pa Lunebi). Inge neno vidio man, gam lapeny magi ma gitye piny-nyi:

(1) I yo mapat pat ango ma Baibul rwatte kwede ki ngec me cayan me kare-ni? (2) Watwero ngeyone nining ni lok me Baibulwa me kare-ni rom aroma ki lok ma kikwongo coyogi wiati-ca? (3) Ngo ma pire tek ma nonge i coc macon me Baibul? (4) I yo ango ma John Wycliffe, Johannes Gutenberg, William Tyndale, John Hus, Martin Luther, Casiodoro de Reina, ki dong Charles Taze Russell gukonyo kwede me nyayo Lok pa Lubanga i twok lobo ducu, dok ludito kanica gutiyo ki tim gero me juko nya pa Baibul nining? (5) I yo ma nining ma tira me Baibul okonyo dano mapol me lweny ki peko me yotkom (Jab. 34:8), jami calo tuko me goyo cente (1 Tem. 6:9, 10), pokke i nyom ki tim tarwang (1 Kor. 13:4, 5; Ep. 5:28-33), ki dong yenyo lonyo me kom (Mat. 16:26)? (6) Labol ango ma tye ma nyutu ni lubu cik ma i Ginacoya konyo me lweny ki cwiny me adegadega me lobo, me rok, ki dong me kaka (Luka 10:27)? (7) Lubu cik ma iye lac me Baibul okeli yomcwiny nining? (8) Iromo tic ki vidio man nining me konyo jo mukene?—Nen Ticwa Me Ker me Febuari 2006, pot karatac 8.