Baibul​—Tekone i Kwoni

Teko me ngec ma tye i Baibul oweko dano milion mapol guloko kwogi. Cik mene me Baibul ma ka waketo i tic, twero konyowa me lweny ki pekki me kare man? Labongo akalakala mo, ibinongo lagam me lapeny meno ki i vidio me The Bible—Its Power in Your Life, ma meno aye vidio me aryone i kin gin adek ma gitye i DVD me The Bible—A Book of Fact and Prophecy. I nge neno vidio man, tika itwero gamo lapeny magi?

(1) I yo ma nining ma Baibul dok pat kwede ki bukke mukene-ni? (Ibru 4:12) (2) Ka Baibul romo konyo dano me yubo kwogi ci pingo dano tye ki pekki mapol? (3) Ngo ma wi lok madit me Baibul obedo? (4) Wang Baibul mene ma kicimo i vidio man ma romo konyo jo ma gunyomme me (a) yubo lok i kingi ki (b) juko akemogi? (5) Bedo ki neno pa Lukricitayo i kom nyom mono yubo kwo me ot doko ber nining? (Ep. 5:28, 29) (6) Jehovah obedo lanen maber loyo bot lunyodo nining? (Mar. 1:9-11) (7) Lunyodo giromo miyo kwan pi jo me otgi bedo mamit nining? (8) Mapat ki kwano Baibul ki lutino, ngo mukene ma Baibul cuko cwiny lunyodo me miyone ki lutinogi? (9) I yo ma nining ma tam me Baibul konyo jo me ot me lweny ki peko me can lim? (10) Cik me Baibul mene ma kwako lengo, mero, tic ki yadi mogo calo jayigi-ni, ki olo ma ka kiketogi i tic konyo me juko peko ma kelo two? (11) Cikke mene me Baibul ma twero kelo botwa kwe cwiny? (Yubu 33:25; Jab. 145:16) (12) Alokaloka ango ma pwony me Lok pa Lubanga okelo i kwoni? (13) Itwero tic ki vidio man me konyo jo mukene nining?