Wabikwano Buk me Yomcwiny i Kwo me Ot
1. Wabikwano buk mene i Cokke me Kwano Baibul cakke i cabit me Marci 14?
1 Cwinywu bibedo yom me ngeyo ni cakke i cabit me Marci 14, 2011, wabikwano buk me “Mung me Nongo Yomcwiny i Kwo me Ot” i Cokkewa me Kwano Baibul. Pe tye ngat mo ma bimito ni ekeng bino i cokke me kwano Baibul ma bibedo ki Ginacoya ma konyo kwo pa jo me ot ka kiketo i tic. Yub me kwanone bimiyo kare me kwedo lok matut i paragraf ducu ma iye ki ginacoya ma kitiyo kwedgi i buk meno.
2. Yub me kwano buk man bibedo nining cabit ki cabit, dok pingo?
2 Dul me buk man ducu kibipokone i yo mupore pi kwan ma mitte cabit ki cabit. Pi meno wabibedo ki cawa muromo me kwano, nyamo, ki keto i tic lok i kom ginacoya ducu ma gitye i paragraf. Gin acel ma pire tek, bibedo nyamo lok ma tye i bok ma wanongo kiketo i agikki me dul acel acel. Ci dong, kibimiyo cawa muromo me nyamo lapeny ki ginacoya ma kiketo i bok meno.
3. Watwero nongo adwogi maber loyo ki i kwano buk man nining?
3 Kikwayo jo ma gidoro yub me kwan man me miyo kare muromo me yubbe ki me cuko cwiny lwak ducu bene me yubbe maber, dok ni myero gubed tye kare ducu kun ginywako tamgi.—km 10/08 pot 1 para. 3.