Kit me Cako Lok

Me Cako Kwano Baibul ki Dano i Ceng Abicel Mukwongo me Oktoba

“I kare man ma kwo tek-ki, wan ducu watye ka lweny ki pekki ma kelo lyeto i kom jo me odi. Itamo ni watwero nongo tira ma konyowa me bedo ki yomcwiny i kwo me otwa ki kwene?” Mine kare wek ogam. Mi bot rwod ot kopi me Watchtower me Oktoba 1 ci wunyam kacel pwony ma tye i te wi lok acel i pot karatac 16 ki 17 kacel ki ginacoya acel ma kiketo iye. Mi magajin, dok wuyub awene ma ibidok iye ka gamo lapeny mukene ma tye kenyo.

The Watchtower Oktoba 1

Nyut bot rwod ot pok nge magajin, ci ipenye ni, “Iwinyo nining ka iniang ni kibedo ka wacci lok goba i kom Lubanga? [Mine kare wek ogam.] Nen kong gin ma Yecu owaco i kom kit me poko kin lok ada ki goba. [Kwan Jon 17:17.] Baibul keken aye titiwa lok ada madok i kom Lubanga. Magajin man nyamo goba abic ma dano maro wacone i kom Lubanga, ma Baibul oyaro ka maleng.”

Awake! Oktoba

“Watye ka limo jo me odi tin ki tic me konyo lwak. Ngo ma in itamo ni obedo peko madit loyo ma lunyodo lwenyo kwede me gwoko lutinogi i kareni? [Mine kare wek ogam.] Lunyodo mapol gijenge i kom Baibul pi tira. Me labolle, tam me ryeko man pire tek ka itye ka miyo pwod ki lutino. [Kwan Jo Epeco 4:31.] Magajin man nyuto kit ma tira me Baibul twero konyo lunyodo i kare ducu me dongo pa lutinogi, cakke ki i tinogi me o wa i mwaka me apar ki wiye.”