Kit me Cako Lok

Me Cako Kwano Baibul ki Dano i Ceng Abicel Mukwongo me Oktoba

“Labongo akalakala mo, angeyo ni icwako lok man ni, kwo cek tutwal. In mono itamo ni i nino mo kibikwanyo two ducu matwal, kun kiweko mwaka me kwo pa dano medde? [Mine kare wek ogam.] Kong inen gin ma kiwaco kany.” Mi bot rwod ot Watchtower me Oktoba 1, ci wunyam kacel pwony ma tye i te wi lok mukwongo i pot karatac 16 kacel ki ginacoya acel ma kiketo iye. Mi magajin, dok wuyub awene ma ibidok iye ka gamo lapeny ma lubo meno.

The Watchtower Oktoba 1

“Watye ka nywako lok ki dano i kom cwercwiny ma bino pi tim me camucana ma onya i biacara ki i gamente. In mono itamo ni peko man twero gik? [Mine kare wek ogam.] Nen kong gin ma kiwaco ni Yecu obitimo pi jo ma gideno can pi tim man. [Kwan Jabuli 72:12-14.] Magajin man nyuto kit ma tim me camucana bigik kwede cokcok-ki.”

Awake! Oktoba

“Pol pa lunyodo gimito ni lutinogi gunong kwan maber. Tika itamo ni jo ma gityeko kwangi kun gikato peny maber i kareni dong gitye atera me lweny ki ariya me kwo maber? [Mine kare wek ogam.] Nen kong kit ma Baibul onyuto kwede ni pire tek me nongo ngec ki ryeko. [Kwan Latitlok 7:12.] Magajin man tito pi jami abic ma twero konyo lutino ki nongo adwogi maber i cukul.”