Gwok Cwiny ma Ngoli Kop-pi
1. Wi lok me gurewa me nino acel me mwaka 2013 tye ningo, dok pingo kiyubo gure man?
1 Nino ducu, warwatte ki jami mogo ma balo cwiny ma ngoliwa kop-pi. En gin mumiyo gure me nino acel pi mwaka me ticwa me 2013, wi lokke tye ni “Gwok Cwiny ma Ngoli Kop-pi.” (1 Tem. 1:19; NW) Gure man kiyubo me konyo ngat acel acel i kinwa me ngiyo kit ma etye ka tic kwede ki mot man mamwonya ma oa ki bot Lacwecwa-ni.
2. Lapeny ango ma pigi tego ma kibigamogi i gure meno?
2 Yeny Lagam me Lapeny Magi: Yub meno bigamo lapeny abiro ma pigi tego ma kwako cwiny ma ngoliwa kop-pi:
• Ngo ma twero balo cwiny ma ngoliwa kop-pi woko?
• Watwero pwonyo cwiny ma ngoliwa kop-pi nining?
• Watwero bedo labongo alii me remo pa dano i wiwa nining?
• Tamwa ki kit ma waketo pwony me Baibul i tic nyuto gin ango i komwa?
• Watwero gwokke ki wano cwiny ma ngolo kop pa jo mukene nining?
• Jo matino, wuromo lweny ki dic ma kiketo i komwu nining?
• Mot ango ma bino bot jo ma giweko cwiny maleng aye telo cwiny ma ngoligi kop-pi?
3. Yub man twero bedo me kony botwa nining?
3 Ki kony pa Jehovah watwero loyo lweny i kom tute pa Catan me balo cwiny ma ngoliwa kop-pi. Wonwa me polo tito botwa ni: “Yo ene, wulubi,” kun tiyo ki Lokke ki dulle. (Ic. 30:21) Yub man obedo yo acel ma Jehovah tirowa kwede. Pi man, cak yubbe me bedo tye i yub man. Ket tammi me niang kit ma itwero keto kwede ngec man i tic piri keni. Wunywak lok i kom yub man kacel ki jo me odi. Keto pwony ma wanongo i tic cuko cwinywa me medde ki bedo ki ‘cwiny ma pe ngoliwa kop’ dok bikonyowa me gwokke wek pe kibitwa ki yomcwiny ma lobo pa Catan kelo.—1 Pet. 3:16.