Myero Wajol Welewa

I nino dwe 23 me Marci, watye ki gen ni wele milion 12 nyo makato gibibedo tye i Nipo kacel kwedwa. Welewa pud dong gibinongo caden magwar ka lalok binyamo pwony i kom mic me ginkok ma Jehovah omiyo ki mot ma dano binongone i anyim! (Ic 11:6-9; 35:5, 6; 65:21-23; Jon 3:16) Ento, pe lalok keken aye bimiyo caden i nino ma pire tek man. Wan ducu watwero nywako i miyo caden ki jolo welewa ki yomcwiny. (Rom 15:7) Kimiyowa tam mogo piny kany.

• Me kaka cito atir i kabedoni kun ibedo ka kuro cakke pa yub, jol wele ki jo ma ticgi okwe woko, bwuny dok imotgi i yo me lirem

• Kadi bed ibiketo tammi tutwalle i kom luremi ma in ilwongogi, ento bed atera me neno jo mukene ma gubino pien gunongo karatac me lwongo i kare me rwec. Bed kacel ki wele. Nywak Baibul ki buk wer ma megi kacel kwedgi

• I nge winyo pwony, bed tye me gamo lapenygi. Ka cawa nok pien ni kacokkewu myero owek kabedo pi kacokke mukene, ket yub me limo ngat meno i nge nino mogo manok. Ka pe ingeyo ka ma en bedo iye, ci iromo penye ni: “Amito niang tammi i kom yub ma wabedo kwede-ni. Tika tye yo mo ma atwero kubbe kwedi?”