Wer me Ker-ri Jingo Cwinywa

Paulo ki Cira gupako Lubanga ki wer i kare ma gitye i buc. (Tic 16:25) I karewa-ni bene, luworo luwotwa guwero wer me Ker i kare ma gitye i gang buc ma kilwongo ni Sachsenhausen i lobo Germany i te loc pa Nazi ki bene i kare ma onongo gitye i opii i lobo Siberia. Labol magi nyuto kit ma wer tye kwede ki teko me jingo cwiny Lukricitayo ma gitye ka wot ki i atematema.

Cokcok-ki, leb mukene mapol gibinongo buk wer manyen ma wiye tye ni “Sing Out Joyfully” to Jehovah. Ka dong wanongo kopi ma mewa, watwero mako kit me wero wer magi ki wiwa ka wabedo ka werone i kare me woro macalo jo me ot. (Ep 5:19) Lacen, cwiny maleng bikonyowa me po i kom wer magi i kare me atematema. Wer me Ker-ri twero konyowa me keto tamwa i kom genwa. Gitwero cuko cwinywa ka watye ka kato ki i atematema. Kadi bed pe watye ka wot ki i atematema, pud watwero ‘wero wer magi ki yomcwiny’ pien nongo wawinyo maber. (1Tekwaro 15:16; Jab 33:1-3) Dong, waketu cwinywa me wero wer magi me Ker-ri!

NEN VIDIO MA WIYE TYE NI WER MA OJINGO CWINY LUTIC. I NGEYE WUGAM LAPENY MAGI:

• Ngo ma otimme ma oweko Omego Frost ocako wer manyen?

• Wer man ojingo cwiny omege ma onongo gitye i gang buc me Sachsenhausen nining?

• I yo ma nining ma wer me Ker-ri twero jingo kwede cwinyi i kwoni me nino ducu?

• Wer mene me Ker-ri ma imito makone i wi?