Dongo Dirowa i Tic me Pwony​—Kit me Dok Cen ka Lim

GIN MUMIYO PIRE TEK: Pol pa dano ma ginyuto miti i kwena me Ker-ri nongo gitye ka yenyo lok ada i kom Lubanga. (Ic 55:6) Wek wapwonygi i yo ma weko gidongo, myero wadok cen kare ki kare. Dano yelle ki ariya mapatpat, pi meno yo me dongo mitigi bene bedo patpat. Ento, watwero gudo cwinygi ka wayubbe maber, wacobo gin mo i lim acel acel, dok waketo yub me cako kwano Baibul kwedgi.

KIT ME TIMONE:

• Yelle matek me dok cen cutcut, calo i nge nino manok keken.​—Mat 13:19

• Bed larem dok inyut woro. Temme mada me bedo agonya

• Cak ki moto dano meno kun ibwunyo. Ti ki nyinge. Po wiye i kom gin mumiyo idwogo​—me labolle me gamo lapenye, kelle magajin manyen, nyutte kabedowa me intanet, tuko vidio mo bote, nyo nyutte kit ma wakwano kwede Baibul ki dano. Ka ce en tye ki miti i kom gin mukene, ci lok pwonyi ma rwatte ki mitine.​—Pil 2:4

• Ony pii i kodi me ada ma ipito i cwinye kun inywako lok mo manok ki i Baibul dok ka twere wek bote gin akwana mo. (1Kor 3:6) Tem dongo wat macok kwede

• Cib te guti pi lim mukene