Dongo Dirowa i Tic Me Pwony​—Kit me o Bot Dano Ducu me Wang Ticwa

GIN MUMIYO PIRE TEK: Jekaria otito con ni dano ma gua ki i lwak rok ma lebgi patpat gibijolo lok me kwena maber. (Jek 8:23) Ento nga ma bipwonyogi? (Rom 10:13-15) Watye ki mot kacel ki tic me nywako lok me kwena maber-ri ki dano ducu me wang ticwa.​—od-E 84 para. 10-11.

KIT ME TIMONE:

• Yubbe con. Tika imaro rwatte ki jo ma giloko leb mukene? Itwero tic ki JW Language app me pwonyo kit me cako lok kwedgi. Nyo itwero tic ki cim nyo tabulet-ti me nyutte kit ma en twero nongo kwede ngec mukene i lebgi ki i jw.org

• Bed ki wang mabit. Ka itye ka tic i ot ki ot, pe iwek kare me tito kwena okati akata. Lok ki jo ma gitye ka kato ka ngeti nyo jo ma gubedo i mutoka. Ka itye ka tito kwena i dye lwak, wi pe owil i kom tyen lok me tic man, ma obedo miyo caden

• Tute matek. Bed ka dok cen i gangi ma pe inongo iye dano i lim mukwongo. Yelle matek me lok ki dano i paco acel acel, gwok nyo i cawa nyo nino mukene. Itwero coyo waraga, goyo cim, nyo miyo caden i teng gudo wek itit kwena botgi

• Dong miti ma inongo. Pe igalle ki dok cen bot jo ma gunyuto miti. Ka dano meno loko leb mapat, tem yenyo ngat mo ma loko lebgi wek okonye. Omyero ibed ka dok cen bote wang ma latit kwena ma loko lebgi ocako kwan kwede.​—od-E 94 para. 39-40

NEN VIDIO MA WIYE TYE NI TITO KWENA “WA I AGIKKI LOBO,” I NGEYE, WUGAM LAPENY MAGI:

• 

  Omege ki lumege magi guyubbe nining wek gicit bot dano ma i wang tic ma tye ka mabor? (1Kor 9:22, 23)

• 

  Ariya ango ma gin guyelle kwede?

• 

  Mot ango ma gunongo?

• I yo ango ma in itwero tute kwede me o bot dano mapol i wang ticwu?