Dongo Dirowa i Tic me Pwony​—Kit me Miyo Caden Bot Ngat ma Loko Leb Mukene

Gin Mumiyo Pire Tek: Jehovah tye ki miti matek i kom dano “ma i rok ducu.” (Tic 10:34, 35) Pi meno, Yecu otito ni kibitito kwena maber-ri “i wi lobo ducu” dok “bot rok ducu.” (Mat. 24:14) Jekaria otito ni dano “ma gua ki i lwak rok ma lebgi patpat” gibijolo kwena maber. (Jek. 8:23) Ma lubbe ki ginanena pa lakwena Jon, jo ma gibibwot ki i twon can madit atika-ni gibia “ki i rok ducu, ki i kaka ducu, ki dano ducu me wi lobo, ki leb ducu.” (Yabo 7:9, 13, 14) Ma lubbe ki lok man, ka warwatte ki ngat mo ma loko leb mukene i wang ticwa, myero watemme me miyo caden bote.