Jehovah Oyubowa me Tito Kwena Bot Dano Ducu

Jehovah yubo jone i kare-ni wek gutim mitine kit ma en otimo kwede i kare pa Luicrael. I twok lobo ducu, kipoko jo pa Jehovah ma lubbe ki jang gang kal, adwol, kacokke, ki dong gurup me tito kwena, dok jo ducu gitiyo kacel i tic me pwony. Watito kwena bot dano ducu, kadi wa jo ma giloko leb mukene.​—Yabo 14:6, 7.

Tika dong itamo me pwonyo leb mukene wek ikony jo ma loko leb meno me pwonyo ada? Kadi bed ni ipe ki cawa muromo me pwonyo leb meno, pud itwero tic ki JW Language app wek ipwony yo mayot me cako lok kwedgi. Dok ka itimo meno, itwero nongo yomcwiny calo utmege me cencwari me acel. Utmege magi gubedo ki yomcwiny adada i kare ma jo me rok mapatpat ‘guwinyo ka gitito pi tic madito me twero pa Lubanga i leb tugi kikome.’​—Tic 2:7-11.

NEN VIDIO MA WIYE TYE NI DOK LAREM JEHOVAH​—TIT KWENA I LEB MUKENE, CI IGAM LAPENY MAGI:

• 

  Awene ma itwero tic ki JW Language app?

• 

  Jami ango ma nonge i gin tic man?

• 

  Leb mene ma jo ma i wang ticwu giloko?

• Gin ango ma myero itim ka ngat mo ma onyuto miti i lok me kwena maber loko leb mapat?​—od-E 100-101 para. 39-41