Kony Lutino Kwanni me Baibul me Gwokke ki Lurem Maraco

Wek lutino kwanwa me Baibul gudok lurem Jehovah, omyero guyer lurem mabeco. (Jab 15:1, 4) Lurem mabeco bikonyogi me timo gin matir.—Car 13:20; lff pwony me 48.

Ka itye ka konyo lutino kwanni me weko lurem maraco, nyut cwiny me kica. Twero bedo tek botgi me juko bedo ki luremgi macon. Pi meno, nyut ni iparo pi lutino kwanni kadi wa i nino ma pe ikwano kwedgi. Man kwako cwalo botgi mecej, gonigi cim, nyo limogi pi dakika mo manok. Ka lutino kwanni woto ki dongo, itwero lwongogi i namo mogo kacel ki jo pa Lubanga. Man weko gineno ni jami mabeco ma gitye ka nongone dwong loyo jami ma girwenyo. (Mar 10:29, 30) In bene ibinongo yomcwiny ka ineno wel jo me ot pa Jehovah tye ka medde.

NEN VIDIO MA WIYE TYE NI KONY LUTINO KWANNI ME BAIBUL ME GWOKKE KI LUREM MARACO, CI IGAM LAPENY MAGI:

• Angagi ma gitye lurem maraco?​—(1Kor 15:33)

• Precious onongo tamo ni namo pa Lucaden bedo nining?

• Betty okonyo Precious me leyo ka wang lurem maraco nining?