Kit me Tic ki Bute me Kit me Nyamo Lok

Omege gitute matek me yubo bute me Kit me Nyamo Lok, dok lutit kwena mapol gunongo ni kelo adwogi maber ka gitiyo kwede i tic me pwony. Ento kit me kwo pa dano tye mapatpat i but lobo lung, pi meno lutit kwena bene gitwero cako lok i yo mapatpat nyo tic ki pwony mukene ma gudo cwiny jo ma i wang ticgi. Kadi bed kit meno, i kare me rwec ma kite dok pat, lutit kwena ducu myero guti ki tam ma kimiyo i kom kit me nyamo lok pi kare meno. Mitiwa tye me cobo tic ma Yecu ominiwa me tito kwena maber me Ker-ri.—Mat 24:14.

Ka ibimiyo pwony pa lutino kwan i cokke, ci omyero iti ki pwony ma tye i bute me Kit me Nyamo Lok ma tye i Yub me Cokke me Kwowa ki Ticwa. Ento ka pe kinyuto, ci itwero loko lapeny, ginacoya, nyo lapeny pi dok cen ka lim ma rwatte ki jo ma i wang ticwu. Ngec man dok pat ki ma onongo tye con i Yub me Cokke me Juni 2020 pot karatac 8.