Ket Yub pi Kare me Nipo

Mwaka ki mwaka, jo pa Jehovah gibedo ki miti me kwero Nipo kacel. I cabit mogo ma peya kikwero Nipo ki dong i ngeye, watiyo ki kare meno me miyo pak ki pwoc bot Jehovah pi ginkok. (Ep 1:3, 7) Me labolle, watute matek me lwongo jo mukene me bino i kwer me Nipo. Jo mukene timo alokaloka wek giti macalo painia pi tutunu kun nongo gitiyo pi cawa 30 nyo 50 i dwe me Marci nyo April. Tika imito medo cawani i tic me pwony i kare me Nipo? Gin ango ma twero konyi me timo meno?

Pol kare, wacobo jami mapol ka kong wagoyo pulan con. (Car 21:5) Kit ma kare me Nipo dong tye ka nyiko cok-ki, man aye kare me goyo pulan. Tam i kom kit ma itwero medo kwede cawani i tic me pwony i kare me Nipo, dok itam i kom gin ma myero itim me cobo yub meno. Ci ileg Jehovah wek ogo laane i tuteni.—1Jon 5:14, 15.

Tika itwero tam i kom yo mogo ma itwero medo kwede cawani i tic me pwony i kare me Nipo?