Lukwat ma Gitiyo Matek pi Ber Bedo pa Jo pa Jehovah

Jo mapol gitye ki tam marac i kom jo ma tye ki twero. Watwero niang pingo gitamo kit meno. Nicakke wa con i tekwaro pa dano, jo mapol gutiyo ki twerogi i yo marac pi cobo mitigi keken. (Mika 7:3) Ento watye ki pwoc madit adada ni kipwonyo luelda me kacokke me tic ki twerogi pi ber bedo pa jo pa Jehovah.—Esta 10:3; Mat 20:​25, 26.

Luelda dok gipat ki jo ma tye ki twero i lobo-ni. Gin gitiyo ticgi macalo luneno pien gimaro Jehovah kacel ki jone. (Jon 21:16; 1Pet 5:​1-3) I te tela pa Yecu, lukwat magi gikonyo lutit kwena ducu ki acel acel me bedo agonya i kin jo me ot pa Jehovah ki dok me medde ki bedo cok ki Jehovah. Gitye atera me cuko cwiny romi pa Jehovah ki dok me konyogi ka gitye ka kemme ki peko me yotkom nyo ka can ma poto atura otimme. Ka imito kony, bed agonya me lok ki laelda mo me kacokkewu.—Yak 5:14.

NEN VIDIO MA WIYE TYE NI LUKWAT MA GIPARO PI ROMI, CI IGAM LAPENY MAGI:

• Mariana onongo adwogi maber nining ki i kony ma luelda gumiyo?

  Co lagammi

• Elias onongo adwogi maber nining ki i kony ma luelda gumiyo?

  Co lagammi

• Vidio man ogudo nenoni i kom tic pa luelda nining?

  Co lagammi