Lubanga Paro Piri
BAIBUL tye ki tam mabeco loyo piwa, pien oa ki bot Lubanga. Pe obedo buk me yotkom, ento twero konyowa me lweny ki pekki, tam maraco, arem cwiny, kacel ki arem me kom ki two wic.
Ma dong pire tek loyo, Baibul tittiwa ni Lacwecwa, Lubanga Jehovaha niang tamwa ki kit ma wawinyo kwede maber loyo ngat mo keken. En tye ki miti matek me konyowa kanyo peko mo keken ma wakato ki iye. Nen kong wang Ginacoya aryo ma moko lok man:
“[Jehovah] tye cok ki jo ma cwinygi goro, en laro jo ma gitye ki arem madwong i cwinygi.”—JABULI 34:18.
“An a Rwot [Jehovah] Lubangawu, dong amako cingwu ma lacuc woko liking; an atye ka waco botwu ni: ‘Pe wulwor, an abikonyowu.’” —ICAYA 41:13.
Ento Jehovah konyowa nining me lweny ki peko me two wic? Kit ma ibineno kwede i pwony ma lubo man, Jehovah nyuto ni eparo piwa i yo mapol mapatpat.
a Jehovah, nyo Yawe, obedo nying Lubanga ma kinyuto i Baibul.—Nia 3:15, coc ma tye i tere piny.