Yecu Bigiko Lweny

I kare ma Yecu tye i lobo, en onyuto mar madit pi dano, mumiyo en otyero kwone pigi. (Matayo 20:28; Jon 15:13) Cokcok-ki, en dok binyuto marre pi dano kun tiyo ki twerone macalo Kabaka me Ker pa Lubanga me “juko lweny woko i wi lobo ducu.”—Jabuli 46:9.

Nen kit ma Baibul tito kwede gin ma Yecu bitimone:

• “En laro dano ma piny obwoyo ka okok bote, konyo lucan ki jo ma pe gitye ki ngat ma konyogi. Kica make i kom jo magoro ki ma piny obwoyogi, ci laro kwo pa jo ma piny oloyo. En kokogi ki i tim bwami ki i un ma gibedo ka unogi kwede; kwogi pire tek bote ma pe wacce.”—Jabuli 72:12-14.

Watwero nyuto pwocwa nining pi jami ducu ma Yecu otimo dok cokcok-ki bitimone piwa? Yo acel aye me pwonyo lok madok i kom “kwena maber me Ker pa Lubanga,” ma Yecu otito. (Luka 4:43) Kwan pwony ma wiye tye ni “Ker pa Lubanga Obedo Gin Ango?”