Yo Maber Loyo me Tic i Kom Lutwo—Obedo Yo Ango?

Dokto Michael Rose, ma obedo lador wi ot yat ki dok dokto madok i kom yat ma miyo dano pe gingeyo komgi i cawa me yango owaco ni: “Latwo mo keken ma kitiyo i kome labongo medo remo, en aye i adane nongo onongo yango i rwom ma malo loyo.” Yo ango ma kitwero kwanyone ki dok ngo ma kitwero timone i tic i kom dano “labongo medo remo”? Omyero inge wek imok tammi i wi niango. Nen vidio me No Blood—Medicine Meets the Challenge. I yo ngeye, tem niangi ki lapeny magi.—Ngec ma tye: Kit macalo ka mukene i vidio man nyuto dano ma nongo kitye kayangone, lunyodo omyero guti ki ryeko ka gitye ka neno vidio man ki lutino.

(1) Tyen lok ma pire tek loyo ma omiyo Lucaden pa Jehovah gikwero medo remo obedo ngo? (2) I lok ma dok i kom tic i kom lutwo, ngo ma Lucaden pa Jehovah gimito? (3) Twero ango ma lutwo gitye kwede? (4) Pingo bedo me niango me yero yo mukene ma kitiyo kwede mapat ki medo remo? (5) Ka ce remo orweny mapol, jami aryo ango ma dokto giromo timone pi oyot? (6) Jami angwen ango ma tye ma pirgi tego ma dok i kom tic ki gin mapat ki medo remo? (7) Yo ango ma dokto gitwero (a) jwiko kwede rwenyo pa remo mapol, (b) gwoko kwede red blood cells, (c) medo nya pa remo i kom, nyo (d) dwoko remo ma ony cen? (8) Tit kong yo ma kitiyo kwedgi ma kilwongo ni (a) hemodilution ki dok (b) cell salvage. (9) Ngo ma omyero kiwek inge ma mako yo mukene ma kitiyo kwede mapat ki medo remo? (10) Mono twere me yango yango matego ma twero kelo bal labongo medo remo? (11) Alokaloka mabeco ango ma tye katimme i kin ludaktar?

Ye yo mogo me tic i kom dano ma kinyutogi i vidio-ni cung i wi dano acel acel kun nongo lubbe ki kit ma cwinye ngolo kwede. In dong ityeko moko yo mo mapat ki medo remo ma itwero ye ni giti kwede i komi kacel ki i kom lutinoni? Jo me pacowu ma pe gubedo Lucaden bene omyero gunge tammi man ki dok pingo omiyo imoko tam meno.—Nen “Lapeny pa Lukwan Bukkewa” ma tye i Watchtower me Juni 15, mwaka 2004, ki me Oktoba 15 mwaka 2000.