Dongo Dirowa i Tic me Pwony​—Kit me Dok i Lok pa Jo ma Ngolo Lokwa Woko

Gin Mumiyo Pire Tek: Tam kong ni itye ki ngec i kom peko mo madit ma cok poto. Dano bito woko ka pe gularo ka ma peko pe twero o iye. In icito ka waco lok man bot jirani-ni, ento en ongolo lokki kun wacci ticce pol. Labongo akalakala mo, pe ibiweko en ata labongo miye kony mo! Jo mapol ma i wang ticwa gingolo lokwa woko kit meno, kun pe giniang ni watye ka tito kwena me laro kwo. Oromo bedo ni i kare me limwa onongo tic omakogi gire. (Mat. 24:37-39) Nyo giromo bedo ki adage pi lok goba ma guwinyo i komwa. (Mat. 11:18, 19) Guromo tamo ni apokapoka mo pe i kin wan ki dini mukene ma gitimo jami maraco-ni. (2 Pet. 2:1, 2) Ka rwod ot pe onyuto miti wiati, pe omyero wail cingwa woko i kome.