Kɛ Womi ɔ Ngɛ Kɛɛ?

Enɛ ɔ ji sane nɛ he hia nɛ e sa kaa wa bi ngɛ womi ko nɛ wa suɔ kaa wa kɛ ha nihi ɔ he. Ke womi ko nya koklo, aloo e pee momo, aloo nu sɛ mi, aloo e he ko tsɔ ɔ, lɔɔ ma nyɛ ma je wetsɛ ɔ juɛmi kɛ je sɛgbi kpakpa nɛ heɔ nɔ yi wami nɛ ngɛ womi ɔ mi ɔ nɔ.

Mɛni blɔ nɔ wa maa gu kɛ ha nɛ wa womi ɔmɛ a he nɛ tsɔ? Nɔ́ nɛ nihi babauu peeɔ nɛ e yeɔ bua mɛ nɛ a womihi a he tsɔɔ ji kaa a toɔ womi ɔmɛ a henɔ fiee kɛ woɔ a baagi ɔ mi he ekpaekpahi. Kaa nɔ hyɛmi nɔ́ ɔ, a ngɛ he ekpaekpahi nɛ a kɛ womihi, kɛ womi tɛtlɛɛhi kɛ womiyohi, kɛ dɛ womihi, kɛ womi kpahi woɔ. Be tsuaa be nɛ a ma je Baiblo ɔ kɛ womi kpa ko kpo ngɛ a baagi ɔmɛ a mi nɛ́ a maa kpale kɛ wo mi ɔ, a hyɛɔ saminya nɛ a kɛ woɔ he nɛ a je ngɛ ɔ blɛuu nɛ e ko puɛ. Fiɛɛli komɛ kɛ a womihi woɔ plastic baagihi nɛ a mi tɛ̃ a mi. Baagi mi nɛ waa kɛ wa womi ɔmɛ woɔ jio, plastic baagihi nɛ a mi tɛ̃ a mi lɛ waa kɛ woɔ jio ɔ, nɔ́ nɛ he hia ji kaa wa sume nɛ nɔ ko nɛ e na nɔ́ ko nɛ e maa da nɔ kɛ gbe sɔmɔmi nítsumi nɛ wa hɛɛ mi ɔ he guɛ.—2 Kor. 6:3.