Kaimi ɔ He Nine Fɔmi Womi ɔ Gbami Maa Je Sisi Ngɛ March 22

Jeha nɛ ɔ, a maa je womi nɛ waa kɛ maa fɔ nihi nine kɛ ba Kaimi ɔ gbami sisi ngɛ Hɔ, March 22. A ngɛ wɔ tsuo he wami woe nɛ waa kɛ wa he nɛ wo mi kɛ pi si. Ngɛ Hɔ kɛ Hɔgba a, waa kɛ womi tɛtlɛɛ ɔmɛ ma ha ngɛ be nɛ sa mi. Ngɛ kekle Hɔ ngɛ April mi ɔ, wa ma gba nine fɔmi womi ɔ mohu pe nɛ wa maa je Baiblo mi ni kasemi sisi. Se ke waa kɛ nɔ ko ya kpe nɛ e ngɛ munyu ɔ he bua jɔmi wawɛɛ ɔ, wa maa bɔ mɔde konɛ waa je Baiblo mi ni kasemi sisi. Sɔmɔmi nítsumi nɔ hyɛlɔ ɔ maa tsɔɔ keji nine fɔmi womi ɔ gbami ngɛ ma nɔ odase yemi mi ɔ maa ye bua asafo ɔ nɛ a su nihi babauu a ngɔ ngɛ zugba kpɔ ɔ mi. Moo ngma o wekuli, nihi nɛ o kɛ mɛ tsuɔ ní, o sukuubi, nihi nɛ o pɔɔ mɛ slaami, kɛ ni kpahi nɛ o le mɛ nɛ o suɔ kaa a ba Kaimi ɔ a biɛhi konɛ o fɔ mɛ nine ke nine fɔmi ɔ je sisi. Wa he ye kaa nihi babauu ma ba piɛɛ wa he kɛ kai suɔmi agbo enyɔ nɛ a je kpo kɛ tsɔɔ adesahi ɔ.—Yohane 3:16; 15:13.