Mɛni He Je Nɛ E Sa Nɛ Waa Je Nɔuu ɔ?

Ke waa kɛ wa nyɛmimɛ ya kpe ngɛ fiɛɛmi yami kpe sisi ɔ, tɔmi ko be he kaa waa kɛ mɛ maa sɛɛ ní. Se ke kpe ɔ ba nyagbe ɔ, e sa nɛ waa je nɔuu. Wa fiɛɛmi ní tsumi ɔ biɔ oya yemi. (2 Tim. 4:2) Enɛ ɔ he ɔ, ke wa ji mla a, wa be be fuu náe kɛ fiɛɛ. Be tsuaa be nɛ waa kɛ nyɛmi ko ma tsu ní ngɛ fiɛɛmi mi ɔ, wa ma ná he blɔ fuu kɛ sɛɛ ní kɛ wo wa sibi he wami. Ke a gba wɔ nɛ wa je fiɛɛmi sisi nɔuu ɔ, lɔ ɔ tsɔɔ kaa wa pee we hejɔ, nɛ waa kɛ hɛdɔ ngɛ Yehowa kɛ e Bi ɔ sɔmɔe.​—Rom. 12:11.