Ní Komɛ Nɛ Maa Ye Bua Mo

Womihi Nɛ A Kɛ Fɔ Watchtower ONLINE LIBRARY^™ ɔ Nɔ

Womihi nɛ a kɛ fɔ Watchtower ONLINE LIBRARY^™ ɔ nɔ ɔ ma nyɛ maa ye bua wɔ konɛ waa kase ní slɔɔtoslɔɔtohi fuu. Womihi nɛ a tsɛ se ngɛ lejɛ ɔ ekomɛ ji, Glossary, Insight on the Scriptures, Research Guide for Jehovah’s Witnesses, kɛ Watch Tower Publications Index.

Hla blɔ he ɔ nɛ ngɛ Watchtower ONLINE LIBRARY ɔ nɔ ɔ ma nyɛ maa ye bua wɔ nɛ waa ngɔ womi nɛ ɔmɛ kɛ tsu ní. Ke o ngɛ munyu ko fiae kɛ wo hla blɔ he daka a mi ɔ, munyu komɛ maa ba ngɛ e sisi, nɛ munyungu nɛ ji “Topic” ɔ maa je kpo ngɛ munyu fɛɛ munyu nɛ a maa ba ngɛ hla blɔ he daka a mi ɔ nya.

Moo ka nɛ o hyɛ: Moo fia munyu nɛ ji “Yehowa” kɛ wo hla blɔ he daka a mi (A). Moo nyɛ “Yehowa” nɛ maa je kpo ngɛ hla blɔ he ɔ sisi, nɛ́ munyungu nɛ ji “Topic” ɔ ngɛ nya a nɔ (B). O maa na womihi fuu nɛ a tu Yehowa he munyu ngɛ mi.