Nɔ́ He Tomi Níhi Nɛ Tsɔɔ Nɔ Ní

Mateo 13:34, 35

OTI: Ngɔɔ nɔ́ he tomi níhi nɛ a sisi numi yi kɛ tsu ní konɛ o tue buli ɔmɛ nɛ a nu oti ɔmɛ a sisi.

BƆ NƐ O MAA PEE LƐ HA:

• Hla nɔ́ he tomi níhi nɛ a sisi numi yi. Ngɔɔ níhi nɛ a sisi numi yi kɛ tsɔɔ ní nguahi a mi kaa bɔ nɛ Yesu pee ɔ, konɛ tue buli ɔmɛ nɛ a nu níhi nɛ a mi wa amɛ a sisi. Koo ngɔ níhi nɛ ma ha nɛ nɔ́ he tomi nɔ́ ɔ sisi numi maa ye kɛ tsu ní. Ha nɛ o nɔ́ he tomi nɔ́ ɔ kɛ ní kasemi nɛ ngɛ o munyu ɔ mi ɔ nɛ kɔ, konɛ níhi nɛ a he hia we ko je o tue buli ɔmɛ a juɛmi kɛ je oti ɔ nɔ.

• Mo susu o tue buli ɔmɛ a he. Hla nɔ́ he tomi níhi nɛ a kɛ níhi nɛ o tue buli ɔmɛ peeɔ loo níhi nɛ a bua jɔ he ɔ kɔ. Hyɛ saminya nɛ o nɔ́ he tomi nɔ́ ɔ ko gbe mɛ zo, aloo e hao mɛ.

• Ha nɛ oti ɔ nɛ je kpo. Hla nɔ́ he tomi níhi nɛ ma nyɛ maa tsɔɔ munyu oti ɔmɛ a mi, se pi munyuhi nɛ a he hia we tsɔ ɔ. Ha nɛ tue buli ɔmɛ nɛ a kai munyu oti ɔ, se pi nɔ́ he tomi nɔ́ ɔ kɛkɛ.