O Munyu ɔ Nɛ Wo Nihi He Wami

Hiob 16:5

OTI: Ha nɛ o munyu ɔ nɛ tsɔɔ o tue buli ɔmɛ bɔ nɛ a ma plɛ kɛ tsu nyagba ko he ní ha nɛ́ e wo mɛ he wami.

BƆ NƐ O MAA PEE LƐ HA:

• Mo ná juɛmi nɛ da ngɛ o tue buli ɔmɛ a he. Mo ná nɔ mi mami kaa o nyɛmimɛ ɔmɛ suɔ nɛ a sa Yehowa hɛ mi. Ke e he hia nɛ o wo mɛ ga po ɔ, moo je o tsui mi nɛ o je a yi kekle.

• Koo tu nyagbahi a he munyu tsɔ. Ke o maa tu nyagbahi a he munyu po ɔ, e sa nɛ e pee nɔ́ nɛ ma tsu yi mi tomi ko he ní. Se kɛ̃ ɔ, e sa nɛ munyu ɔ tsuo nɛ wo mɛ he wami.

• Ngɔɔ Mawu Munyu ɔ kɛ tsu ní saminya. Moo gbla o tue buli ɔmɛ a juɛmi kɛ ya níhi nɛ Yehowa pee ha adesahi, níhi nɛ e ngɛ pee ha mɛ, kɛ níhi nɛ e maa pee ha mɛ hwɔɔ se ɔ nɔ. O munyu ɔ nɛ wo o tue buli ɔmɛ he wami, nɛ́ e ha nɛ a ná hɛ nɔ kami.