Ha Nɛ Nihi Nɛ A Nu Munyu ɔ Sisi

1 Korinto Bi 14:9

OTI: Moo ye bua o tue buli ɔmɛ nɛ a nu o munyu ɔ sisi.

BƆ NƐ O MAA PEE LƐ HA:

• Moo kase o munyu ɔ saminya. Moo nu munyu ɔ sisi saminya konɛ o ngɔ mo nitsɛ o munyu kɛ tsɔɔ mi nɛ e sisi numi ko ye.

• Ngɔɔ munyuza kpitikpitihi kɛ tsu ní. E ngɛ mi kaa tɔmi ko be munyuza gagaa nɛ o kɛ ma tsu ní ɔ he mohu lɛɛ, se munyuza kpitikpitihi ma ha nɛ oti ɔmɛ nɛ a je kpo.

• Tsɔɔ munyuhi nɛ a nui hyɛ ɔmɛ a sisi. Koo ngɔ munyuhi nɛ o tue buli ɔmɛ nui hyɛ ɔ kɛ tsu ní fuu. Ke e he hia nɛ o ngɔ munyu ko nɛ a nui hyɛ, Baiblo mi biɛ ko, blema níhi nɛ a kɛ susuɔ nɔ́ aloo nɔ́ kpa ko kɛ tsu ní ɔ, e sa nɛ o tsɔɔ mi.