Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower January 1

Kane 1 Mose 2:16, 17. Lɔɔ se ɔ, mo de ke: “Ni komɛ deɔ ke Mawu le kɛ sɛ hlami momo kaa Adam maa pee yayami. Ni komɛ hu susu kaa, ke Mawu le kɛ sɛ hlami momo kaa Adam maa pee yayami loko e wo mɛ mlaa a, lɛɛ e pee we nɛ hi. Kɛ moo o susu kɛɛ? [Ngmɛɛ lɛ blɔ nɛ e ha heto.] Munyu nɛ je sisi ngɛ bafa 13 tsɔɔ bɔnɛ Mawu ngɔɔ he wami nɛ e ngɛ nɛ e kɛ leɔ níhi nɛ maa ba hwɔɔ se ɔ kɛ tsuɔ ní ha.”

Awake! January

“Ni komɛ he ye kaa loko nɔ ko ma ná Mawu jami mi hemi kɛ yemi ɔ, e daa si ngɛ bɔnɛ e nuɔ nɔ́ he ha a nɔ, se pi bɔnɛ e nuɔ níhi a sisi fitsofitso ha a nɔ. Kɛ moo o susu kɛɛ? [Ngmɛɛ lɛ blɔ nɛ e ha heto.] Baiblo ɔ tsɔɔ kaa e sɛ nɛ hemi kɛ yemi nɛ wa ma ná a nɛ pee hemi kɛ yemi nɛ wa be nyɛe maa tsɔɔ nya. [Kane 1 Yohane 4:1.] Munyu nɛ je sisi ngɛ bafa 28 ɔ tsɔɔ bɔnɛ wa ma plɛ kɛ le ha kaa wa hemi kɛ yemi ɔ daa si ngɛ níhi a sisi nɛ wa nu fitsofitso ɔ nɔ.”

The Watchtower February 1

“Mwɔnɛ ɔ, nihi fuu a gbahi ngɛ puɛe. Mɛni lɛ o susu kaa lɔɔ ji nɔ́ nɛ ha nɛ e ngɛ bae jã a? [Ngmɛɛ lɛ blɔ nɛ e ha heto.] Moo bu ga womi ko nɛ ye bua gba si himi mi sɛli fuu ɔ tue. [Kane 1 Korintobi 10:24.] Womi nɛ ɔ tsɔɔ níhi ekpa nɛ hunomɛ kɛ yigbayihi pɔɔ demi kɛ siɔ a sibi kɛ bɔnɛ ke a kɛ Baiblo sisi tomi mlaahi tsu ní nɛ e maa ye bua mɛ ha.”

Awake! February

“E ngɛ kaa nɔ́ nɛ nihi fuu a bua ngɛ aze loo hiami, kɛ kunya yemi ní peepeehi a he jɔe. Anɛ o susu kaa ke nɔ ko ngɔ e he kɛ wo wɔ jami ní peepeehi a mi ɔ, e be lɛ awi yee lo? [Ngmɛɛ lɛ blɔ nɛ e ha heto.] Moo bu kɔkɔ bɔmi ko nɛ Mawu kɛ ha blema Israelbi ɔmɛ tue. [Kane 5 Mose 18:10-12.] Womi nɛ ɔ tsɔɔ nɔ́ nɛ Baiblo ɔ de ngɛ wɔ jami ní peepeehi a he.”