“Moo Ngɔ Womi Tɛtlɛɛ Momo Loo Womiyo Momo Nɛ Nɔ ɔ Bua Jɔ He Kɛ Ha Lɛ”

A ngɛ wɔ he wami woe kaa ngɛ nyɔhiɔhi nɛ waa kɛ Baiblo Tsɔɔmi womi ɔ ma ha nihi nɛ wa maa bɔ mɔde kaa waa kɛ mɛ maa je Baiblo mi nikasemi sisi nɔuu a nɔ ɔ, ke wetsɛ ɔ ngɛ Baiblo Tsɔɔmi womi ɔ eko momo nɛ e sume nɛ nɔ ko kɛ lɛ nɛ kase Baiblo ɔ, ‘wa ha lɛ womi tɛtlɛɛ momo loo womiyo momo nɛ e bua jɔ he.’ Mɛni heje?

A ngma munyu slɔɔtoslɔɔtohi ngɛ womiyo momo ɔmɛ kɛ womi tɛtlɛɛ momo ɔmɛ a mi. Eko ɔ, wetsɛ ɔ bua maa jɔ munyu ko nɛ ngɛ womi nɛ ɔmɛ a mi ɔ he. Enɛ ɔ he ɔ, ke o ngɔ womihi kɛ ngɛ o fiɛɛmi yami baagi ɔ mi woe ɔ, moo ngɔ womiyo momo slɔɔtoslɔɔtohi hu kɛ piɛɛ he. Ke o be womi tɛtlɛɛ momohi ɔ, o ma nyɛ ma ya ngɔ eko ngɛ he nɛ a ngɔɔ womi tɛtlɛɛ ɔmɛ ngɛ ɔ. Kɛkɛ ɔ, ke wetsɛ ɔ ngɛ Baiblo Tsɔɔmi womi ɔ eko momo nɛ e sume kaa a kɛ lɛ nɛ kase Baiblo ɔ, o ma nyɛ maa tsɔɔ lɛ womi tɛtlɛɛ ɔmɛ loo womiyo ɔmɛ nɛ a ngɛ o dɛ ɔ konɛ o de lɛ nɛ e ngɔ nɔ́ nɛ e bua jɔ he. Lɔɔ se ɔ, moo to blɔ nya nɛ o kpale ya slaa lɛ konɛ o ha nɛ bua jɔmi nɛ e ná a nɛ ya hɛ mi. Eko ɔ, nyagbe ɔ, e ma ha nɛ o kɛ lɛ maa kase Baiblo ɔ.