Blɔ Kpakpa Nɛ Wa Maa Gu Nɔ Kɛ Ná Matsɛ Yemi La Amɛ A He Se

Mawu sɔmɔli buɔ la kaa nike ní kpakpa nɛ je Yehowa ngɔ. (Yak. 1:17) Asafohi fuu fiaa Matsɛ Yemi lahi blɛuu loko a jeɔ asafo mi kpehi a sisi nɛ ke a kpa hu a fiaa. Teokrase lahi nɛ a fiaa a ji blɔ nɛ a guu nɔ kɛ nyaa wa he kɛ baa kpehi, nɛ lɔɔ haa nɛ wa tsui nɔɔ wa mi.E yeɔ bua wɔ nɛ wa dlaa wa juɛmi kɛ haa Mawu jami. Jehanɛ se hu ɔ, la hehi nɛ a ngɛ wa la womi ɔ mi nɛ a fiaa a yeɔ bua wɔ nɛ wa kaseɔ la amɛ nɛ wa leɔ lami saminya. La nɛ ɔmɛ nɛ a fiaa ke a kpa kpe ɔ haa nɛ wa bua jɔɔ nɛ waa kɛ wa nyɛmimɛ ɔmɛ náa huɛ bɔmi nɛ he wami womi ngɛ mi. Enɛ ɔ he ɔ, e sa nɛ nikɔtɔmahi a kuuhi nɛ a to blɔ nya kpakpa nɛ a fia Sing to Jehovah—Piano Accompaniment ɔ loko a je kpe ɔ sisi nɛ ke a kpa kpe ɔ hu a fia. E sa nɛ a hyɛ konɛ la a nya wami ɔ nɛ ko puɛ sane gbami.