Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ June nyɔhiɔ ɔ mi ɔ nɔ

Kane Yesaya 42:8. Lɔɔ se ɔ, mo de ke: “Nɔ́ nɛ i kane nɛ ɔ tsɔɔ kaa Mawu ngɛ biɛ. Anɛ o susu kaa e he hia kaa waa kɛ Mawu biɛ ɔ nɛ tsu ní lo? [Ngmɛɛ lɛ blɔ nɛ e ha heto.] Mo kadi nɔ́ nɛ womi tɛtlɛɛ nɛ ɔ tsɔɔ.” Ha wetsɛ ɔ June 1 Watchtower a eko nɛ o kɛ lɛ tsuo nɛ susu munyu nɛ ngɛ kekleekle munyuyi nyafii ɔ sisi ɔ he ngɛ bafa 16. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower June 1

“I suɔ nɛ ma le o juɛmi ngɛ sane ko nɛ he hia he. [Mo bli womi tɛtlɛɛ ɔ kɛ ya bafa 3, nɛ o kɛ níhi nɛ a ngma ngɛ lejɛ ɔ nɛ tsɔɔ lɛ.] Ní nɛ ɔmɛ a kpɛti te nɛ kɛ bɔnɛ o susuɔ ngɛ Baiblo ɔ he ha a kɔ wawɛɛ? [Ngmɛɛ lɛ blɔ nɛ e ha heto.] Mo kadi nɔ́ nɛ Baiblo ɔ nitsɛ de. [Kane Romabi 15:4.] Womi tɛtlɛɛ nɛ ɔ tsɔɔ yi mi tomihi enuɔ a heje nɛ Baiblo ɔ je ekpa ngɛ womi kpahi a he, nɛ e tsɔɔ bɔnɛ wa ma plɛ kɛ ná Baiblo ɔ he se ha.”

Awake! June

“Daa jeha a, nimli ayɔhi abɔ ngɛ je kɛ wɛ ɔ nuɔ hiɔ akɛnɛ a yeɔ niye ní nɛ ma nyɛ maa wo nɔ hiɔ ɔ heje. Ngɛ o susumi nya a, anɛ niye ní nɛ wa yeɔ ngɛ wa ma a mi ɔ hi lo? [Ngmɛɛ lɛ blɔ nɛ e ha heto.] Womi tɛtlɛɛ nɛ ɔ tsɔɔ blɔhi eywiɛ nɛ wa ma nyɛ maa gu nɔ kɛ po wa weku mi bimɛ a he piɛ kɛ je hiɔ nɛ a náa ngɛ niye ní mi ɔ he. E tu si womi nɛ ngɛ Baiblo ɔ mi kaa e be kɛe nɛ nɔ tsuaa nɔ ma ná niye ní babauu nɛ he wami ngɛ mi maa ye ɔ he munyu hulɔ.” Kane La 104:14, 15.