Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ June nyɔhiɔ ɔ mi ɔ nɔ

“Lɔɔ ji kaa nihi tsuo nɛ waa kɛ sɛɛ ní ɔ suɔ kaa tue mi jɔmi nɛ hi je ɔ mi. Se kɛ̃ ɔ, a ngɛ ta hwue. Ngɛ o susumi nya a, mɛni heje nɛ tue mi jɔmi be je ɔ mi ɔ?” Ngmɛɛ lɛ blɔ nɛ e ha heto. Lɔɔ se ɔ, moo ngɔ June 1 Hwɔɔmi Mɔ ɔ se kɛ tsɔɔ lɛ nɛ nyɛ susu munyu nɛ ngɛ kekleekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

Kadi: E sa nɛ a pee peemi kɛ tsɔɔ nɛ ɔ ngɛ fiɛɛmi yami kpe nɛ a maa pee ngɛ June 1 nɔ ɔ.

Hwɔɔmi Mɔ June 1

“Wa ngɛ nihi ngɛ kpɔ ɔ mi ɔ slae nɛ waa kɛ mɛ ngɛ nɔ́ ko nɛ gbaa nihi fuu a nya a he ní sɛɛe. Nihi fuu ngɛ nɛ nihi hɛɛ we a he juɛmi kpakpa. Anɛ o susu kaa he ko ngɛ ngɛ je ɔ mi nɛ nɔ tsuaa nɔ hɛɛ e nyɛmi he juɛmi kpakpa lo? [Ngmɛɛ lɛ blɔ nɛ e ha heto.] Mo kadi bɔnɛ Mawu hyɛɛ adesahi tsuo ha. [Kane Bɔfo Ɔmɛ A Nítsumi 10:34.] Womi tɛtlɛɛ nɛ ɔ tsɔɔ bɔnɛ Mawu maa po nɔ he juɛmi yaya nɛ nihi hɛɛ ɔ se ha.”

Awake! June

“Wa suɔ nɛ waa le o juɛmi ngɛ nɔ́ ko he. Nɔ tsuaa nɔ suɔ kaa e ma ná si himi kpakpa. Anɛ o susu kaa wa ma nyɛ ma ná si himi kpakpa kɛ gu helo nya nihi fuu nɛ wa ma he ɔ nɔ lo? [Ngmɛɛ lɛ blɔ nɛ e ha heto.] Mo kadi munyu nɛ mi kuɔ nɛ Yesu tu nɛ ɔ. [Kane Luka 12:15.] A susu juɛmi nɛ da nɛ wa ma ná ngɛ helo nya níhi a he, kɛ ga womi komɛ nɛ maa ye bua wɔ konɛ wa ko puɛ sika kɛ he níhi nɛ a he hia we ɔmɛ a he ngɛ womi tɛtlɛɛ nɛ ɔ mi.”