Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ May nyɔhiɔ ɔ mi ɔ nɔ

“Anɛ o naa jami kaa e ji nɔ́ ko nɛ kɛ suɔmi kɛ tue mi jɔmi baa, aloo e ji nɔ́ ko nɛ kɛ ninyɛ kɛ yi mi wami baa lo? [Ngmɛɛ lɛ blɔ nɛ e ha heto.] Ha ma tsɔɔ mo nɔ́ ko nɛ ngɛ bua jɔmi nɛ kɔɔ ní nɛ wa ngɛ sɛɛe nɛ ɔ he.” Ha wetsɛ ɔ May 1 Watchtower a nɛ o kɛ lɛ nɛ susu munyu nɛ ngɛ kekleekle munyuyi nyafii nɛ ngɛ bafa 16 a sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower May 1

“Nihi fuu susu kaa tɔmi ko be he kaa jamihi kɛ a he maa wo ma kudɔmi sanehi a mi. Ni komɛ hu susu kaa e sɛ nɛ a kɛ jami nɛ futu ma kudɔmi ní peepeehi. Kɛ moo o susu kɛɛ? [Ngmɛɛ lɛ blɔ nɛ e ha heto.] Mo kadi nɔ́ nɛ Yesu pee benɛ nihi ngɛ hlae nɛ a ha nɛ e kɛ e he nɛ wo ma kudɔmi sanehi a mi ngɛ e be ɔ mi ɔ. [Kane Yohane 6:15.] Womi nɛ ɔ tsɔɔ nɔ́ heje nɛ Yesu pee e ní jã a kɛ blɔ nɛ hi pe kulaa nɔ nɛ Kristofoli maa gu kɛ ye bua ngɛ wa kpɔ ɔ mi.”

Awake! May

“Lɔɔ ji kaa a, nihi tsuo nɛ waa kɛ sɛɛ ní ɔ, a ye mɛ sane yaya hyɛ. Anɛ o susu kaa tsaba ko ngɛ kɛ ha dami sane nɛ a yi ngɛ je ɔ mi ɔ lo? [Ngmɛɛ lɛ blɔ nɛ e ha heto.] Mo kadi gbami nɛ ɔ nɛ tuɔ nɔ yelɔ ko nɛ maa po dami sane nɛ a yi ɔ se ɔ he munyu. [Kane La 72:11-14.] Womi nɛ ɔ tsɔɔ Baiblo ɔ gbami nɛ kɔɔ dami sane yemi nɛ maa hi si hwɔɔ se ɔ he ɔ mi.”