Wa Internet Nítsumi He ɔ—Kɛ Tsu Ní Ngɛ O Fiɛɛmi Nítsumi ɔ Mi
Moo De Nihi Nɛ A Ya Wa Internet Nítsumi He ɔ Nɔ: Nihi nɛ a sume kaa a kɛ wɔ maa sɛɛ ní loo a maa ngɔ wa womi ɔ suɔ nɛ a hi a we mi nɛ a kase Yehowa Odasefoli a he ní ngɛ jw.org ɔ nɔ. Enɛ ɔ heje ɔ, he blɔ tsuo nɛ o ma ná a, de nihi nɛ a ya wa Internet nítsumi he ɔ nɔ.
Moo Ha Sane Bimihi A Heto: Be komɛ ɔ, wetsɛ ko loo nɔ ko nɛ ngɛ munyu ɔ he bua jɔmi loo o huɛ ma bi mo sane nɛ kɔɔ Yehowa Odasefoli loo wa hemi kɛ yemihi a he. Moo ngɔ o mobile phone loo computer kɛ ha lɛ heto ɔ nɔuu. E hi saminya kaa nyɛ maa kane ngmami ɔmɛ nɛ a tsɛ se ɔ kɛ je Baiblo ɔ mi tɛ̃ɛ. Ke o be Internet ɔ eko ɔ, moo tsɔɔ lɛ bɔnɛ e maa pee ha kɛ ya jw.org nɛ lɛ nitsɛ e ya hla heto ɔ.—Moo ya “Bible Teachings/Bible Questions Answered” loo “About Us/Frequently Asked Questions.”
Moo Ngɔ Munyu Ko Loo Womi Kɛ Mane Nɔ Ko Nɛ O Le Lɛ: Moo ngɔ PDF loo EPUB nɔ́ ko nɛ o gblaa kɛ piɛɛ e-mail he kɛ mane. Loo gblaa womi nɛ a fia e mi munyu nɛ a buɔ tue ɔ kɛ fɔ CD nɔ. Ke o ha nɔ ko nɛ a baptisi we lɛ womi, loo womiyo, loo womi tɛtlɛɛ nɛ a pee ngɔ fɔ Internet ɔ nɔ ɔ mluku ɔ eko ɔ, o ma nyɛ maa bu he akɔtaa. Koo ngɔ nɔ́ ko kɛ mane nɔ ko be mi nɛ o tsɔɔ we lɛ o biɛ, nɛ koo ngɔ ní fuu kɛ mane si kake. Jehanɛ, koo gblaa ní kɛ fɔ Internet nítsumi he kpa ko nɔ—Moo ya “Womihi.”
Ngɔɔ Amaniɛ Bɔmi Ehe Nɛ Kɔɔ Yehowa Odasefoli A He ɔ Kɛ Tsɔɔ Nihi: Enɛ ɔ maa ye bua Baiblo mi nikaseli kɛ ni kpahi nɛ o yaa a ngɔ ɔ nɛ a ná hɛsa kɛ ha wa je kɛ wɛ nítsumi ɔ kɛ wa Kristofoli a kake peemi ɔ. (La 133:1).—Moo ya “News.”
[Munyu mi tsɔɔmi daka ngɛ bafa 5]
(Ke o ngɛ bɔnɛ a to nya ha a hlae ɔ, hyɛ womi ɔ nitsɛ mi)
Kaa Nɛ O Hyɛ
1 Ngɛ he nɛ a ngma “Womihi” ngɛ ɔ sisi ɔ, moo hla nɔ́ nɛ o suɔ nɛ o gbla a, nɛ o nyɛ blɔ nɔ tomi nɛ o suɔ ɔ nɔ.
2 Moo nyɛ MP3 ɔ nɔ nɛ e ha mo níhi nɛ ngɛ ɔmɛ. Moo nyɛ munyuyi ɔ nɔ nɛ o gbla loo nyɛɛ okadi nɛ ɔ ▸ nɔ nɛ o bu tue.
3 Ke o ngɛ hlae nɛ o gbla nɔ́ ko ngɛ gbi kpa mi ɔ, moo hla jamɛ a gbi ɔ ngɛ gbihi nɛ a to nya a mi.