Wa Internet Nítsumi He ɔ—Ngɔɔ Kɛ Ye Bua Nɔ Ko Nɛ E Tuɔ Gbi Kpa

Moo Tsɔɔ Lɛ Wa Internet Nítsumi He ɔ: Moo tsɔɔ lɛ bɔnɛ e kɛ “Internet Nítsumi He ɔ Nɔ Gbi” ɔ ma tsu ní ha kɛ ya wa Internet nítsumi he ɔ nɔ ngɛ lɛ nitsɛ e gbi mi. (Ngɛ gbi komɛ a mi ɔ, nítsumi he ɔ fã ko pɛ nɛ e ngɛ.)

Mo Bli He Ko Kɛ Tsɔɔ Lɛ Ngɛ E Gbi ɔ Mi: Mo bli bafa ko ngɛ wa womi ɔmɛ eko kaa Baiblo Tsɔɔmi womi ɔ loo Le Anɔkuale ɔ dɛ womi ɔ mi. Hla gbi nɛ wetsɛ ɔ suɔ ɔ ngɛ he nɛ a ngma ke “Kane Ngɛ” ɔ.

Ha Nɛ E Bu Nɔ Ko Tue: Hla nɔ́ ko nɛ a nu kɛ fɔ kpa nɔ ngɛ e gbi mi nɛ o fia kɛ ha lɛ. Ke o ngɛ gbi kpa kasee ɔ, bu munyu nɛ a fiaa nɛ a buɔ tue ɔ be mi nɛ o ngɛ kanee ɔ konɛ o nyɛ nɛ o tu gbi ɔ saminya.—Moo ya “Womihi/Womihi kɛ Womiyohi” loo “Womihi/Womi Tɛtlɛɛhi.”

Fiɛɛ Kɛ ha Mumuihi: Ke o na mumui ko ɔ, mo je Baiblo ɔ, womi, womiyo, loo dɛ womi he video nɛ a pee ngɛ mumuihi a gbi mi ɔ fã ko kɛ tsɔɔ lɛ.—Moo ya “Womihi/Mumuihi A Gbi.”

[Munyu mi tsɔɔmi daka ngɛ bafa 6]

(Ke o ngɛ bɔnɛ a to nya ha a hlae ɔ, hyɛ womi ɔ nitsɛ mi)

Moo Ka Nɛ O Hyɛ

1 Moo nyɛ okadi nɛ ɔ ▸ nɔ nɛ o fia munyuhi nɛ a fiaa nɛ a buɔ tue (ke eko ngɛ o gbi ɔ mi) loo moo nyɛ níhi nɛ ngɛ “Nɔ́ Gblami He Blɔ Nɔ Tomihi” sisi ɔ nɔ, nɛ o gbla.

2 Hlaa gbi kpa ngɛ he nɛ a ngma ke “Kane Ngɛ” ɔ nɛ o bli bafa ko ngɛ jamɛ a gbi ɔ mi.

3 Moo nyɛ “Nɔ́ Nɛ Tsa Nɔ” loo “Mi Ní” nɔ nɛ o kane munyu kpahi loo yi kpa.