Moo Tu Munyuyi Kake He Munyu, Se Ngɔɔ Womi Tɛtlɛɛ Enyɔ Ɔmɛ Kɛ Ha

Womi tɛtlɛɛ ɔmɛ eko tsuaa eko hɛɛ munyuyi slɔɔtohi nɛ ngɛ bua jɔmi. E sa nɛ waa tu munyuyi kake pɛ he munyu pe nɛ wa maa tu munyuyi slɔɔtohi a he munyu ngɛ sinya kake nya. Ke wa toɔ nɔ́ he hɛ, nɛ wa le munyuhi nɛ ngɛ womi tɛtlɛɛ ɔmɛ a mi ɔ, wa ma nyɛ maa hla munyu ko ngɛ Hwɔɔmi Mɔ ɔ loo Awake! ɔ mi nɛ́ wetsɛ ɔ bua maa jɔ he. Kaa nɔ hyɛmi nɔ́ ɔ, ke wa na jokuɛwi a fiɛmi níhi ngɛ we ɔ mi ɔ, waa kɛ wetsɛ ɔ ma nyɛ maa susu munyu ko nɛ kɔɔ weku si himi he ɔ he. Ke wa ya ná nyumu ɔ, waa kɛ lɛ ma nyɛ maa susu munyu ko, kaa nɔyemi kpakpa, nɛ nyumuhi a bua jɔɔ he ɔ he. E ngɛ mi kaa wa ma nyɛ maa tu munyuyi kake he munyu mohu, se ke wetsɛ ɔ bua jɔ he ɔ, e sa nɛ wa ha lɛ womi tɛtlɛɛ enyɔ ɔ tsuo.