Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ January nyɔhiɔ ɔ mi ɔ nɔ

“Nihi fuu hɛɛ susumi ekpaekpa ngɛ Mawu he. Ni komɛ susuɔ kaa Mawu ji he wami ko nɛ ngɛ nɛ wa be nyɛe maa le bɔnɛ e ngɛ ha tutuutu. Ni kpahi hu naa lɛ kaa e ji Tsɛ nɛ ngɛ suɔmi nɛ e ngɛ hiɔwe. Kɛ o susuɔ kaa Mawu ngɛ ha kɛɛ?” Ngmɛɛ lɛ blɔ nɛ e ha heto. Moo ngɔ January 1 Hwɔɔmi Mɔ ɔ se kɛ tsɔɔ lɛ nɛ nyɛ susu munyu nɛ ngɛ kekleekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

Hwɔɔmi Mɔ January 1

“Wa ngɛ nihi slae nɛ waa kɛ mɛ ngɛ nɔ́ ko nɛ haoɔ nɔ tsuaa nɔ, nɛ ji wa suɔli a gbenɔ he susue. Anɛ o kɛ mi kpa we gbi kaa ke wa huɛ loo wa wekuno ko nɛ wa suɔ e sane wawɛɛ ɔ gbo ɔ, e dɔɔ wɔ wawɛɛ lo? [Ngmɛɛ lɛ blɔ nɛ e ha heto.] Ngmami nɛ ɔ wo wa kpɛti nihi fuu wa bua. [Kane Yesaya 25:8.] Baiblo ɔ wo si kaa gbenɔ se maa po, nɛ wa suɔli nɛ a gbo ɔ hu maa ba wami mi ekohu. A tsɔɔ si womi nɛ woɔ nɔ bua nɛ ɔ mi ngɛ womi tɛtlɛɛ nɛ ɔ mi.”

Awake! January

“Anɛ o kplɛɛ we nɔ kaa wekuhi fuu kɛ haomihi ngɛ kpee mwɔnɛ ɔ lo? [Ngmɛɛ lɛ blɔ nɛ e ha heto.] Baiblo mi abɛ nɛ ɔ tsɔɔ wɔ nɔ́ nɛ e sa kaa wekuhi nɛ a pee konɛ a nyɛ nɛ a fia a weku ɔ kɛ ma si saminya. [Kane Abɛ 24:3.] Nihi fuu na kaa a ma nyɛ maa ngɔ a he kɛ fɔ Baiblo ɔ mi munyu nɛ nile ngɛ mi ɔ nɔ. Womi tɛtlɛɛ nɛ ɔ tu Internet nítsumi he slɔɔto ko nɛ tsɔɔ Baiblo mi munyuhi nɛ maa ye bua wekuhi ɔ he munyu.”