Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ January nyɔhiɔ ɔ mi ɔ nɔ

“Wa suɔ nɛ waa le o juɛmi ngɛ sane ko he. Mɛni ji Mawu biɛ? [Ngmɛɛ lɛ blɔ nɛ e ha heto.] Mo kadi nɔ́ nɛ wa maa kane ngɛ hiɛ ɔ.” Ha wetsɛ ɔ January 1 Hwɔɔmi Mɔ a, nɛ o tsɔɔ lɛ munyu ɔ nɛ ngɛ womi ɔ se ɔ, nɛ o kɛ lɛ nɛ susu munyu nɛ ngɛ kekleekle munyuyi nyafii ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower January 1

“Nihi fuu tuɔ je ɔ nyagbe ɔ he munyu. Anɛ o susu kaa e sa nɛ waa ye je ɔ nyagbe ɔ gbeye lo? [Ngmɛɛ lɛ blɔ nɛ e ha heto.] Ngɛ ngmami nɛ ɔ nya a, a ma he ni komɛ a yi wami. [Kane 1 Yohane 2:17.] Womi tɛtlɛɛ nɛ ɔ tsɔɔ bɔnɛ Baiblo ɔ ha sane bimi eywiɛ komɛ nɛ nihi pɔɔ bimi kɛ kɔɔ je ɔ nyagbe ɔ he a heto ha.”

Awake! January

“Wa ngɛ wekuhi slaae nɛ waa kɛ mɛ nɛ susu nɔ́ ko nɛ he hia he. Anɛ o susu kaa e he hia nɛ wekuhi nɛ a ngɔ nɔ́ nɛ Yesu de nɛ ɔ kɛ tsu ní lo? [Kane Bɔfo Ɔmɛ A Nítsumi 20:35b. Lɔɔ se ɔ, moo ngmɛ lɛ blɔ nɛ e ha heto.] E he wa kaa a maa tsɔɔ jokuɛwi nɛ a ko fo mɛ pɛ a nɔ́ mi ngɛ je nɛ nihi fuu foɔ mɛ pɛ a nɔ́ mi nɛ ɔ mi. Womi nɛ ɔ tsɔɔ blɔ pɔtɛɛ komɛ nɛ fɔli ma nyɛ maa gu nɔ kɛ ye bua a bimɛ nɛ a susu ni kpahi a he.”