Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ January nyɔhiɔ ɔ mi ɔ nɔ

“Ni komɛ he ye kaa Baiblo ɔ ji gbami womi ko nɛ a kɛ hɛ ma nyɛ maa fɔ nɔ. Ni komɛ hu susu kaa e ji womi ko nɛ gbami munyuhi nɛ a mi tsɔ we nɛ a ma nyɛ maa tsɔɔ sisi ngɛ blɔ slɔɔtohi fuu a nɔ ngɛ mi. Mɛni ji moo lɛɛ o juɛmi?” Ngmɛɛ lɛ blɔ nɛ e ha heto. Lɔɔ se ɔ, mo ha wetsɛ ɔ January 1 Watchtower a, nɛ o kɛ lɛ nɛ susu munyu nɛ ngɛ kekleekle munyuyi nyafii nɛ ngɛ bafa 16 sisi ɔ he nɛ́ ke e hí kulaa a, o kɛ lɛ nɛ kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ a kpɛti kake he.

The Watchtower January 1

“Wa ma nyɛ maa kase níhi fuu kɛ je nimli nguahi nɛ a hi si ngɛ yinɔ sane mi ɔ a he. Anɛ o kplɛɛ nɔ jã lo? [Ngmɛɛ lɛ blɔ nɛ e ha heto.] Ngmami nɛ ɔ tu nɔmlɔ ngua kake nɛ lɛ pɛ ji nɔ nɛ a tsɛɛ ke ‘Mawu huɛ’ ngɛ Baiblo ɔ mi ɔ he munyu. [Kane Yakobo 2:23.] Womi tɛtlɛɛ nɛ ɔ tsɔɔ nɔ́ heje nɛ Mawu tsɛ Abraham ke e huɛ, kɛ nɔ́ nɛ wa ma nyɛ maa kase kɛ je Abraham he.”

Awake! January

“Nyɔ mi ní hemi kɛ ní peepee kpahi nɛ tsɔɔ we anɔkuale yemi pɔhe ngɛ nítsumihi a mi. Ni komɛ susu kaa e sa kaa ju ní peepee bɔɔ ko kɛ̃ nɛ ya nɔ ngɛ nítsumihi a mi konɛ nítsumi ɔ nɛ ya nɔ. Kɛ moo lɛɛ o susu kɛɛ? [Ngmɛɛ lɛ blɔ nɛ e ha heto.] Mo kadi abɛ nɛ ha nɛ nɔ susuɔ níhi a he nɛ ɔ. [Kane Abɛ 20:17.] Womi tɛtlɛɛ nɛ ɔ tsɔɔ nɔ́ heje nɛ se nami ngɛ he kaa wa maa ye anɔkuale ɔ.”