Wa He Nɛ Maa Be Ngɛ Fiɛɛmi Ní Tsumi ɔ Mi​—Nya Blimi Munyu Nɛ Wa Ma Dla Saminya

Nɔ He Je Nɛ E He Hia: Ke wa dla we wa nya blimi munyu ɔ saminya a, wetsɛ ɔ maa po wa munyu ɔ mi nɛ wa be nyɛe maa ye lɛ odase. Enɛ ɔ he ɔ, fiɛɛli fuu susuɔ kaa nɔ́ nɛ a ma de kɛ je a munyu ɔ sisi ɔ he hia pe kulaa. Nya blimi munyuhi ngɛ Wa Matsɛ Yemi Sɔmɔmi ɔ kɛ Reasoning womi ɔ mi mohu lɛɛ, se pi mɛ tsuo nɛ a nya pi si. A pee lɛ jã konɛ wa nyɛ nɛ waa pee tsakemi ngɛ a he. Enɛ ɔ he ɔ, ke fiɛɛmi munyu ko nya pi si ɔ, fiɛɛli ma nyɛ ma tsake hɛ mi loo a dla mɛ nitsɛmɛ a nɔ. Ke wa pee jã a, wa fiɛɛmi ní tsumi ɔ maa nu tso wawɛɛ pe nɛ wa maa de wetsɛ ɔ nɔ́ ko nɛ maa ba wa yi mi kɛkɛ ke e bli sinya a.​—Abɛ 15:28.