Fiɛɛmi Munyuhi

Nɛ a kɛ maa je Baiblo mi ní kasemi sisi ngɛ kekleekle Hɔ nɛ ngɛ September nyɔhiɔ ɔ mi ɔ nɔ

“Nihi fuu he ye kaa bɔfohi ngɛ. Mo hu o he ye jã lo? [Ngmɛɛ lɛ blɔ nɛ e ha heto.] Bɔfohi ji mumi mi adebɔ níhi nɛ a ngɛ he wami saminya, se anɛ o susu kaa a ma nyɛ maa ye bua wɔ lo? Baiblo ɔ tsɔɔ wɔ bɔ nɛ a yeɔ bua adesahi ha mwɔnɛ ɔ.” Moo ngɔ September 1 Hwɔɔmi Mɔ ɔ se kɛ tsɔɔ lɛ, nɛ o kɛ lɛ nɛ susu munyu nɛ ngɛ kekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. Ha lɛ womi tɛtlɛɛ ɔmɛ, nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

Hwɔɔmi Mɔ September 1

“Anɛ o susu kaa adesahi ngɛ zugba a hɛ mi kpatae nɛ nɔ́ ko be hie peemi ngɛ he lo? [Ngmɛɛ lɛ blɔ nɛ e ha heto.] E ngɛ mi kaa adesahi nyɛ we nɛ a dla níhi nɛ a puɛ ɔ mohu lɛɛ, se Baiblo ɔ tsɔɔ kaa Mawu ma nyɛ maa dla níhi nɛ a puɛ ɔmɛ. Bua womi munyu ko ngɛ La 65:9. [Kane.] A tsɔɔ bɔ nɛ Mawu maa dla zugba a ha, kɛ bɔ nɛ wa ma ná jɔɔmihi hwɔɔ se ɔ mi ngɛ Hwɔɔmi Mɔ nɛ ɔ mi. I suɔ nɛ ma ngɔ kɛ ha mo konɛ o kane?”

Awake! September

“Nihi fuu susu kaa a nítsumitsɛmɛ haa mɛ ní tsumi fuu pe bɔ nɛ sa, se a li nɔ́ nɛ a ma nyɛ maa pee ngɛ nyagba a he. Dɔkitahi tsɔɔ kaa ke a ha nɔ ko ní tsumi fuu pe bɔ nɛ sa a, e ma nyɛ ma ha nɛ pɔ maa tɔ e he tsɔ, nɛ e ma nyɛ maa wo lɛ hiɔ. Mɛni nɛ o susu kaa e ma nyɛ maa ye bua nɔ ko konɛ e nyɛ nɛ e da ní tsumi mi pɔtɔtɔɛ nya? [Ngmɛɛ lɛ blɔ nɛ e ha heto.] Ngmami ko ngɛ hiɛ ɔ nɛ maa ye bua wɔ nɛ wa susu sane ɔ he. [Kane Fiɛlɔ 4:6.] Womi tɛtlɛɛ nɛ ɔ tsɔɔ níhi eywiɛ nɛ wa ma nyɛ maa pee konɛ pɔ ko tɔ wa he tsɔ ngɛ ní tsumi he.”