Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ July nyɔhiɔ ɔ mi ɔ nɔ

“Ligbi etɛ nɛ ɔ, nihi a bua ngɛ bɔfohi a he jɔe wawɛɛ. Anɛ o susu kaa bɔfohi ngɛ nitsɛnitsɛ lo? [Ngmɛɛ lɛ blɔ nɛ e ha heto.] Mo kadi nɔ́ nɛ womi tɛtlɛɛ nɛ ɔ de.” Ha wetsɛ ɔ July 1 Watchtower a eko, nɛ o kɛ lɛ tsuo nɛ susu munyu nɛ ngɛ kekleekle munyuyi nyafii ɔ sisi ɔ he ngɛ bafa 16 nɛ ke e hí kulaa a, o kane ngmami nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower July 1

Kane La 65:2. Lɔɔ se ɔ, mo de ke: “Nihi fuu kplɛɛ nɔ kaa ‘Mawu buɔ sɔlemi tue,’ enɛ ɔ he ɔ, a sɔleɔ daa ligbi. Se ni komɛ biɔ ke, “Ke Mawu ngɛ ɔ, mɛni heje nɛ haomi hyi je ɔ mi tɔ kaa kikɛ ɔ?” Kɛ moo o susu kɛɛ? Anɛ Mawu ko ngɛ nɛ e buɔ sɔlemi tue lo? [Ngmɛɛ lɛ blɔ nɛ e ha heto.] A susu bɔnɛ Baiblo ɔ ha sane bimi nɛ ji: ‘Mɛni heje nɛ sɔlemi Tue bulɔ ɔ ngmɛ blɔ nɛ nihi ngɛ nɔ́ nae?’ ɔ heto ɔ he ngɛ womi tɛtlɛɛ nɛ ɔ mi.”

Awake! July

“Kaa o ngɛ he wami nɛ o ma nyɛ ma tsake nɔ́ kake ko pɛ ngɛ je nɛ ɔ mi ɔ, jinɛ mɛni o ko tsake? [Ngmɛɛ lɛ blɔ nɛ e ha heto.] Baiblo ɔ tsɔɔ nɔ́ heje nɛ pi nɔ́ tsuaa nɔ́ nɛ adesa ma nyɛ maa pee ɔ nya. [Kane Yeremia 10:23.] A tsɔɔ tsakemihi nɛ Mawu to e yi mi kaa e kɛ maa ba ngɛ womi tɛtlɛɛ nɛ ɔ mi.”