Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ September nyɔhiɔ ɔ mi ɔ nɔ

“Nihi fuu he ye kaa be ko maa ba nɛ Mawu maa da a ní peepeehi a nɔ kɛ kojo mɛ. Anɛ o susu kaa e sa nɛ waa hyɛ Kojomi Ligbi ɔ blɔ loo e sa nɛ waa ye gbeye? [Ngmɛɛ lɛ blɔ nɛ e ha heto.] Hyɛ nɔ́ nɛ womi nɛ ɔ de ɔ.” Ha lɛ September 1 Watchtower a nɛ o kɛ lɛ nɛ susu munyu nɛ ngɛ kekleekle munyuyi nyafii nɛ ngɛ bafa 16 a sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔ nɛ ha lɛ nɛ o to blɔ nya nɛ o kpale ya slaa lɛ nɛ o kɛ lɛ nɛ susu sane bimi nɛ nyɛɛ se ɔ he.

The Watchtower September 1

“Ngɛ je ɔ mi hehi fuu ɔ, a bui yihi nɛ a peeɔ mɛ basabasa hulɔ. Aywilɛho sane ji kaa, jami mi hemi kɛ yemi komɛ nɛ ha nɛ e ba lɛ ja. Anɛ o susuɔ kaa Mawu susuɔ yihi a he niinɛ lo? [Ngmɛɛ lɛ blɔ nɛ e ha heto.] Hyɛ blɔ tsɔɔmi nɛ Baiblo ɔ kɛ ha hunomɛ ngɛ bɔnɛ e sa kaa a kɛ a yihi nɛ hi si ha a he. [Kane Efesobi 5:28, 29.] Womi tɛtlɛɛ nɛ ɔ tsɔɔ nɔ́ nɛ Baiblo ɔ deɔ ngɛ bɔnɛ Mawu naa yihi ha a he.”

Awake! September

“Nihi babauu deɔ kaa wami ngɛ zugba nɛ ɔ nɔ maa ba nyagbe ligbi kake, eko ɔ ngɛ oplɛmi nguahi nɛ a kɛ ngɛ ta hwue loo adebɔ mi oslaa kaa dodoe nyafii ko nɛ ma tsɔ ba fia zugba a nɔ, loo kɔɔhiɔ mi tsakemi nɛ maa ba ngɛ je ɔ mi ɔ heje. Anɛ o susu kaa hɛ mi kpatami nɛ ɔ maa ba mi niinɛ aloo e ji nɔ́ ko kɛkɛ? [Ngmɛɛ lɛ blɔ nɛ e ha heto.] Baiblo ɔ kɛ si womi nɛ woɔ nɔ bua nɛ ɔ haa. [Kane La 37:29.] Womi tɛtlɛɛ nɛ ɔ tuɔ níhi nɛ nihi pɔɔ demi kaa lɔɔ kɛ hɛ mi kpatami maa ba, kɛ jehanɛ hu níhi nɛ sisi numi ngɛ mi nɛ Baiblo ɔ deɔ kaa e maa ba hwɔ se ɔ he munyu.”